Modern.az

Misir ordusu Şimali Sinayda daha 19 terrorçunu məhv etdi

Misir ordusu Şimali Sinayda daha 19 terrorçunu məhv etdi

Dünya

31 May 2020, 20:18

Misir Silahlı Qüvvələri Şimali Sinay əyalətində növbəti antiterror əməliyyatı həyata keçirib.

 

Modern.az xəbər verir ki, ordunun sözçüsü Tamer əl-Rifai yarımadanın şimalında həyata keçirilən hərbi əməliyyat zamanı 19 terrorçunun məhv edildiyi, çoxlu sayda silah-sursat və texnikanın ələ keçirildiyi barədə məlumat verib. Onun sözlərinə görə, bir neçə saat davam edən döyüşlərdə Silahlı Qüvvələrin polkovniki və dörd əsgər həlak olub. Hərbi Hava Qüvvələrinə məxsus təyyarələr Bir əl-Abed və Şüyx Züveyd qəsəbələrində terrorçu düşərgələrini də bombalayıb.

 

Misir ordusu mayın əvvəlində Şimali Sinayda həyata keçirilən antiterror əməliyyatlarında 126 terrorçunu məhv edib. Rəsmi məlumatda 15 hərbçinin də həlak olduğu bildirilib. 2018-ci ilin oktyabrından bu ərazidə aparılan əməliyyatlar zamanı ümumilikdə 450-dən çox terrorçu öldürülüb.

Instagram
Gündəmdən xəbəriniz olsun!
Keçid et
Paşinyan Qazaxa gəldi - Ermənilər üzərinə hücum çəkdi