"Vətəndaşlarımız pandemiyanın birinci mərhələsində nümayiş etdirdikləri həmrəyliyi davam etdirmir. Sərt karantin rejimindən çıxdıqdan sonra sərbəstliyin acı nəticəsilə qarşı-qarşıyayıq".
Modern.az-ın məlumatına görə, bunu Nazirlər Kabineti yanında Operativ Qərargahın brifinqində "Tibbi Ərazi Bölmələrini İdarəetmə Birliyinin" (TƏBİB) İdarə Heyətinin sədri Ramin Bayramlı bildirib.
O deyib ki, Bakı Metropoliteni ərazisində xidmət göstərən polislərə olan münasibət yolverilməzdir:
"Fəvvarələr meydanındakı görüntülər də, bizdə təəssüf doğurur. Sərt karantin rejiminin ilk günündən bizimlə çiyin-çiyinə olan polislərə bu münasibəti pisləyirik".
R.Bayramlı qeyd edib ki, bu gündən Sumqayıt Xəstəxanası da koronaviruslu xəstələr üçün ayrılıb.
