Arxiv
17 İyun 2020, 10:26 | ALLAH RƏHMƏT ELƏSİN
Bakı metrosunun xidmət rəisi vəfat etdi

"Bakı Metropoliteni" QSC-nin hərəkət xidmətinin rəisi Etibar İsayev dünyasını dəyişib.

 

Bu barədə Modern.az-a qurumun mətbuat xidmətinin rəhbəri Bəxtiyar Məmmədov məlumat verib.

 

Onun sözlərinə görə, 1968-ci il təvəllüdlü E.İsayev ürək tutmasından vəfat edib:

 

“Dünən bir yerdə idik, söhbət etdik, dedik-güldük, heç nəyi yox idi. Təəssüf ki, qəfil ölüm onu bizdən ayırdı”.

Bakı metropoliteni hadisə ilə bağlı nekroloq yayıb.

Bildirilib ki, metropolitendə 30 illik əmək fəaliyyəti dövründə müxtəlif vəzifələrdə çalışmış, hərəkətin təşkili üzrə ən güclü mütəxəssislərdən biri kimi yetişmiş, 2015-ci ildən isə “Bakı Metropoliteni” QSC-nin Hərəkət xidmətinə rəhbərlik edən Etibar İsayev iyunun 17-də 52 yaşında ürək çatışmazlığından haqq dünyasına qovuşub.

Etibar Cavanşir oğlu İsayev 1968-ci il fevral ayının 4-də Gürcüstanın Dmanisi rayonunda anadan olmuşdu. 1992-ci ildə Çelyabinsk Politexnik İnstitutunun Avtomobillər və avtomobil təsərrüfatı fakültəsini mühəndis-mexanik ixtisası üzrə bitirib.

1991-ci il dekabr ayının 12-də Bakı metropoliteninin Hərəkət xidmətinə qatarların qəbulu və yola salınması üzrə növbətçi vəzifəsinə işə qəbul olunub. Həmin vaxtdan həyatını Bakı metropoliteninə bağlayan Etibar İsayev ötən bu illər ərzində təkcə metropolitenin deyil, post-sovet məkanında öz sahəsinin ən güclü mütəxəssislərindən birinə çevrilmişdi.

İşə qəbul olunduqdan qısa müddət sonra, 1992-ci ilin aprel ayında mühasib-müfəttiş, elə həmin ilin sentyabrında stansiya növbətçisi vəsifəsinə keçirilib. Onun peşəkar kadr kimi yüksəlişinin növbəti mərhələsi 1993-cü ildə hərəkətin təşkilində ən mühüm postlardan biri hesab olunan mərkəzləşmə məntəqə növbətçisi vəzifəsi olub.

1996-cı ildə Etibar İsayevə daha məsul vəzifə - Hərəkət xidmətinin baş mühəndisi vəzifəsi həvalə olunub. Onun peşə karyerasında 2000-ci ildə Bakı Metropoliteni İdarə aparatının aparıcı mühəndisi, 2001-ci ildə Hərəkət xidmətinin distansiya rəisi, 2002-ci ildən yenidən xidmətin baş mühəndisi vəzifələri mühüm yer tutur.

2015-ci il iyun ayının 29-da Hərəkət xidmətinin rəisi vəzifəsinə təyin edilən Etibar İsayev metropolitendə çalışdığı illər ərzində, sadəcə, karyera yüksəlişi ilə deyil, peşəkar kadr kimi, müəssisə üçün mühüm olan sahələrdə və ona tapşırılan bütün işlərdə daim etimadı doğruldan fədakar metropolitençi kimi özünü təsdiq edib.

Onun yüksək peşəkarlığı və fədakarlığı ilə yanaşı, şövqlə, usanmadan çalışması, novatorluğu daim metropolitençi gənclərə bir örnək olub.

Bakı metropoliteninin 50 illik yubileyi ərəfəsində, 2017-ci il noyabr ayının 6-da Azərbaycan Respublikasının Prezidenti İlham Əliyevin sərəncamı ilə “Əməkdar mühəndis” fəxri adına layiq görülüb.

Əmək uğurları dəfələrlə müxtəlif mükafatlarla qiymətləndirilib. 2008-ci il noyabrın 6-da “Fəxri dəmiryolçu” döş nişanı ilə təltif olunub.

2015-ci ildə Birinci Avropa Oyunları, 2017-ci ildə IV İslam Həmrəylik Oyunları, 2019-cu ildə UEFA Avropa Liqasının Bakıda keçirilən final qarşılaşması, eləcə də paytaxtda keçirilən müxtəlif kütləvi tədbirlər zamanı nəqliyyatın işinin təşkilində yaxından iştirakı təşkilat komitəsi tərəfindən yüksək qiymətləndirilib.

MDB və Şərqi Avropa məkanı ölkələrini birləşdirən “Metro” Beynəlxalq Assosiasiyasının bir sıra toplantı, konfrans və seminarlarında çıxışları post-sovet məkanının metro mütəxəssislərinin xüsusi diqqətini cəlb edib.

“O, həm də nümunəvi ailə başçısı, mehriban insan, yaxşı dost, etibarlı yoldaş idi.

Etibar İsayevin əziz xatirəsi ailəsinin, metropolitençilərin, onu yaxından tanıyanların qəlbində daim yaşayacaq”,-deyə Bakı metropoliteninin yaydığı nekroloqda bildirilib.

 

Allah rəhmət eləsin!

BU KATEQORİYADAN OLAN DİGƏR XƏBƏRLƏR
+ Arxiv
25 yaşlı “Səhər” - Qulu Məhərrəmli: “Birinci verilişin həyəcanı hələ də yadımdadır” - MÜSAHİBƏ 14 Avqust 2020, 13:02 “Bandotdel”dən silah ƏMƏLİYYATI 14 Avqust 2020, 12:50 İcra nümayəndəsinin cinayət işi məhkəməyə göndərildi 14 Avqust 2020, 12:44 Azərbaycanda uşaqlara bu adların qoyulması qadağan olundu - SİYAHI 14 Avqust 2020, 12:38 Oğlu həbs olunan bələdiyyə sədri istefa verdi 14 Avqust 2020, 12:32 Azərbaycanda 83 körpə ev şəraitində doğulub 14 Avqust 2020, 12:26 Qarabağın Azərbaycanlı icması: "Ermənistanın bu azğın əməlləri..." 14 Avqust 2020, 12:20 Problemli əmanətlərin qaytarılmasına BAŞLANILDI 14 Avqust 2020, 12:14 Qazaxıstanın 16 vətəndaşı öz ölkələrinə yola salındı 14 Avqust 2020, 12:08 Şabranda 9 velosipedçi cərimələndi 14 Avqust 2020, 12:02 Əli Abbasov Ramiz Mehdiyevin müşaviri təyin olundu 14 Avqust 2020, 11:56 Ermənistana hərbi dəhliz açan ölkələr - Ekspert: “Bu 3 ölkə ilə izahat işi aparılmalıdır” 14 Avqust 2020, 11:50 Hacıqabulda reydlər davam edir - FOTO 14 Avqust 2020, 11:48 BANM-in məzunları DAAD təqaüdünü qazanıb 14 Avqust 2020, 11:42 Müəllim olmaq istəyənlərin nəzərinə 14 Avqust 2020, 11:36 Keçmiş vəkili Trampı ifşa edəcəyini söylədi 14 Avqust 2020, 11:33 Ermənistanda koronavirusdan ölənlərin sayı 814 nəfərə çatdı 14 Avqust 2020, 11:28 Abituriyentlərin nəzərinə! 14 Avqust 2020, 11:22 Prokurorluq Binəqədidəki müəmmalı ölümlə bağlı məlumat YAYADI 14 Avqust 2020, 11:16 Bel çantasında narkotik tapıldı 14 Avqust 2020, 11:10 “Gürcüstanın idarəetməsində azərbaycanlıların rolu artacaq” – Marneuli meri 14 Avqust 2020, 11:04 Azərbaycan XİN-i Pakistanı təbrik etdi 14 Avqust 2020, 10:59 Sabiq prezidentin həbs qərarı qüvvədə qaldı 14 Avqust 2020, 10:54 Nazirlik mebelə 1,6 milyon manat XƏRCLƏYƏCƏK 14 Avqust 2020, 10:48 Avropa Azərbaycanlıları erməni lobbisini dünya ictimaiyyətini çaşdırmaqda ittiham edib 14 Avqust 2020, 10:42 Vilayət Eyvazovdan YENİ TƏYİNAT 14 Avqust 2020, 10:36 Azərbaycan nefti yenidən ucuzlaşdı 14 Avqust 2020, 10:30 Ramiz Mehdiyev Əli Abbasovu işdən azad etdi 14 Avqust 2020, 10:24 Nazirlikdən şəbəkə qurğularındakı təhlükə ilə bağlı xəbərdarlıq 14 Avqust 2020, 10:18 Daha bir xarici jurnalist Qarabağa qanunsuz səfər etdi 14 Avqust 2020, 10:12 Mingəçevirdə gizli işləyən restoran TAPILDI  14 Avqust 2020, 10:06 Bələdiyyə sədri cərimələndi 14 Avqust 2020, 10:00 Dünyada koronavirusa yoluxanların sayı 21 milyonu keçdi 14 Avqust 2020, 09:54 Neft yenidən bahalaşdı 14 Avqust 2020, 09:48 Ermənilər 400 min azərbaycanlının suyunu kəsəcək - EKOLOJİ TERROR 14 Avqust 2020, 09:42