Arxiv
22 İyun 2020, 11:19 | MEDİA
“Postpandemiya dövrünə hazırlaşmalıyıq” - Yeni jurnalist təşkilatının həmtəsisçisi - MÜSAHİBƏ

Ötən həftə yeni media təşkilatı - Onlayn Media Klubu yaradılıb. Konkret.az-ın baş redaktoru və Onlayn Media Klubunun həmtəsisçilərindən olan Fadil Paşayev yeni platformanın fəaliyyəti ilə bağlı Modern.az-a müsahibə verib:

 

- Necə oldu ki, yeni jurnalist qurumu yaratmaq ideyası yarandı?

- 23 ildir jurnalistika ilə məşğulam. Jurnalist və redaktor heyətinin işini, bütün problemlərini və ağrı nöqtələrini bilirəm. “168 saat” qəzetindən tutmuş “Naxçıvan” və “Azad Azərbaycan” kimi tarixi olan qəzetlərdə çalışdım. Faiq Hüsiyev, Varis Yolçuyev kimi jurnalistlərdən dərs aldım. Müstəqillik dövrünün azad mediasında formalaşdım. 13 il Azərbaycan Televiziyasında işlədim. Son iş yerim isə AzTV-nin Mərkəzi Asiya ölkələri üzrə bürosu oldu. Eyni zamanda, Azərbaycanın Qazaxıstandakı səfirliyində mətbuat xidmətinin katibi oldum. Orta Asiya mediası ilə çox yaxın təmaslarım yarandı. Eləcə də Azərbaycanın media sahəsində kifayət qədər tanıdığım adamlar da var. Onların arasında elələri var ki, ya bir yerdə işləmişəm, ya da ayrı-ayrı vaxtlarda sıx təmaslarımız olub. Yəni yaşadığım ömür, çalışdığım sahədə keçirdiyim hər an mənə xeyli təcrübə qazandırıb.

Bütün bu təcrübəmlə demək olar ki, can verən medianın yenidən dirçəldilməsinə öz töhfəmi vermək istədim.
Onlayn Media Kubunun əsas ideyası Demokrat.az-ın baş redaktoru Vasif Həsənli və Pravda.az-ın baş redaktoru İlkin Pirəli, o cümlədən Konkret.az-ın baş redaktoru olaraq mən tərəfindən irəli sürülüb.
Vasif və İlkinlə bu ideya barədə çox müzkirələr apardıq. Görüşlərimizdə medianı demək olar ki, məhv edən Əli Həsənovun vəzifədən uzaqlaşdırılmasından sonrakı vəziyyəti ətrafında çox diskussiyalarımız oldu. Posthəsənov dövründə yeni, azad, nüfuzlu və ictimai fikrə təsir imkanları olan təşkilata ehtiyac yarandığını hiss edirdik.

Qərara gəldik ki, yeni nəfəslə, yeni əməkdaşlıq formatı ilə mediada aparılacaq islahatlara, tam azad, müstəqil medianın formalaşmasına öz köməyimizi göstərə bilərik və bu, ümid edirəm böyük miqyasda ola bilər.

Əlbəttə, mövcud jurnalist qurumlarının cəmiyyətdə müəyyən nüfuzu var və ola bilər ki, bu qurumların fəaliyyəti hər hansısa çərçivədə həyata keçirilir. Məsələn, Parlament Jurnalistləri Birliyini qeyd etmək olar. Eləcə də ayrı-ayrı nüfuzlu şəxslərlə, məsələn, Elçin Şıxlı, Arif Əliyev, Mehman Əliyev, Qulu Məhərrəmli və digər adını çəkmədiyim və mediada kifayət qədər çəkisi olan şəxslərlə birgə əməkdaşlıq üçün yeni paltformaya ehtiyac var. Gəlin unutmayaq ki, yeni təşkilat bu sahəyə yeni nəfəs gətirəcək.


- Yeni yaradıldığı elan edilən Onlayn Media Klubu nə vaxtdan etibarən fəaliyyətə başlayacaq?

- Hazırda Klubun hüquqi cəhətdən təşkilatlanması istiqamətində işlər aparılır. Güman edirəm ki, sentyabr-oktyabr aylarında tam fəaliyyətə başlayacağıq. Ona qədər qarşımızda duran bir çox işlər var. Yeni konsepsiyalar üzərində çalışırıq, təşkilatlanma işi tam sürətlə getməlidir. Bir sıra görüşlərimiz, müzakirələrimiz var ki, bu işlər hələ ləng gedir. Əlbəttə ki, bu da Bakıda sərt karantin rejiminin tətbiqi ilə əlaqədardır. Amma buna baxmayaraq, onlayn şəraitdə kiçik toplantılarımız olur və digər danışıqlarımız davam edir.


- Bir neçə sayt rəhbərinin təşəbbüsü ilə formalaşacaq bu platforma necə idarə olunacaq? Yəqin ki, kənardan olaraq idarə olunacaq, ofisdən fəaliyyət olmayacaq.

- İstənilən təşkilatın, qurumun ofisi olmalıdır. Çünki təşkilat özü bir canlı orqanizm sayıla bilər. Amma düzgün bir məqamı qeyd etdiniz ki, təşkilatın işlək qurumu ofisdə olsa da, onlayn əlaqələrə də önəm veriləcək. Çünki ideya müəllifləri özləri sayt rəhbərləridir və onların başqa işləri də var. Təşkilat paralel olaraq idarəetmə sistemində daha konstruktiv metodları tətbiq edəcək. Əbləttə, bütün bunlara zaman lazım olacaq və bu proses müəyyən mərhələdən sonra baş verəcək. Buna qədər isə ofisin olması mütləqdir. Məqsədimiz mövcud onlayn medianın bütün parametrlər üzrə inkişafını şərtləndirməkdir. 


- Digər jurnalist təşkilatlarından nə kimi fərqləriniz olacaq?


- Hesab edirəm ki, fəaliyyət planımızın əsas istiqamətlərində özümüzü göstərə biləcəyik. Digər təşkilatlarla, eləcə də jurnalist təşkilatları ilə, həmçinin çox peşəkar media işçiləri ilə sıx əməkdaşlıq etməklə və yeni layihələri icra etməklə nəzərdə tutduğumuz işləri həyata keçirməkdə iddialıyıq.

Bu gün xüsusən, sosial mediada, o cümlədən sosial şəbəkələrdə xaos hökm sürür. "KİV-lərin effektivliyi haqqında" konsepsiyasını hazırlamaq lazımdır. Mətbuatla dövlət arasında münasibətlərin formalaşdırılmasına diqqət yetirilməlidir. Müstəqil medianın inkişafı üçün yeni layihələr həyata keçirilməli, Heydər Əliyev dövründə olduğu kimi, medianın cəmiyyətdəki nüfuzu özünə qaytarılmalıdır.

Jurnalistikada dələduz adamların ifşa edilməsi ilə bağlı maarifləndirmə işlərini aparan istənilən quruma və təşkilata dəstək vermək üçün bütün imkanlarımızdan istifadə edəcəyik. Jurnalist icmalarının nümayəndələrinin iştirakı ilə təcrübələrimizi bölüşəcəyik. Mediaya yeni nəfəs gəlib. Bütün bunlar bizə deməyə əsas verir ki, yenidən təşkilatlanmalıyıq.

Bölgələrimizdə fəaliyyət göstərən jurnalist həmkarlarımız var ki, illərdir öz problemlərini həll edə bilmirlər. Bu sahədə xeyli işlər görməliyik.

Birliyin modernləşməsi və təşkilatımızın nüfuzunun gücləndirilməsi üçün yeni nəsil jurnalistləri təşkilata cəlb edəcəyik, regional jurnalist birlikləri varsa, bu qurumlarla ciddi yaradıcı, mənəvi və hüquqi dəstəyimizi əsrigəməyəcəyik.

Jurnalistika bir peşə olaraq son illərdə əvvəlki nüfuzunu və populyarlığını itirib. Öz fəaliyyətimizlə onları qaytarmağı fikirləşirik.


- Qarşıdakı perspektivlərinizi də deyərdiniz, mümkünsə!


- Mən bir məsələnin üstündə bir qədər çox dayanacağam. Peşəmizin nüfuzunun artması istiqamətində çox böyük işlər görülməlidir. Dünyanı ağuşuna almış koronavirus pandemiyasına baxmayaraq, bu işlərdə dayanmaq, fəaliyyəti ertələmək olmaz. Postpandemiya dövrünə hazır olmalıyıq.  Bu mənada çox şey özümüzdən asılıdır. Gənc jurnalistlərin tez-tez verdiyi əsas sual öz cavabını tapacaq. Bu, onlara nə verəcək? Jurnalistin özünü etibarlı hiss etməsi üçün həm hüquqi, həm də peşəkar kömək ala bilər. Kiməsə sahib olmaq, layihələri, fikirləri haqqında harada və nə vaxt danışmaq. Klub ideal bir platforma olmalıdır. Çox gərgin əmək və müəyyən zaman çərçivəsində hesab edirəm ki, bu işlərin öhdəsindən gələcəyik.

BU KATEQORİYADAN OLAN DİGƏR XƏBƏRLƏR
+ Arxiv
Azərbaycan nefti ucuzlaşıb 14 May 2021, 11:44 126 müəssisədən Rusiyaya pomidor ixracına icazə verilib 14 May 2021, 11:35 İsmayıllıda ana övladı ilə birlikdə itkin düşüb 14 May 2021, 11:22 Putinlə Paşinyan Azərbaycanla sərhəddəki vəziyyəti MÜZAKİRƏ ETDİ                                14 May 2021, 11:17 Valideynlər övladları üçün doğru məktəbi necə seçməlidir?                  14 May 2021, 11:06 Yaponiyada zəlzələ olub 14 May 2021, 10:44 Qazax və Şəmkirdə qaz xətləri yenilənir 14 May 2021, 10:31 Arif Rəhimov beynəlxalq mediaya müsahibə verib 14 May 2021, 10:16 Zakir Həsənov azad olunmuş ərazilərdə - FOTOLAR 14 May 2021, 10:09 20 yaşlı tələbə itkin düşüb 14 May 2021, 10:04 Fransa prezidentindən Azərbaycana qarşı ƏSASSIZ İTTİHAM 14 May 2021, 10:00 İsrail hava hücumlarına yenidən başlayıb 14 May 2021, 09:50 Tokio Olimpiadasının keçirilməsinə qarşı petisiya toplanır 14 May 2021, 09:33 Yer kürəsinə asteroid yaxınlaşacaq 14 May 2021, 09:19 BMT Təhlükəsizlik Şurası Fələstin üçün TOPLANACAQ 14 May 2021, 09:05 Ordumuz antiterror təlimlərinə başlayır 14 May 2021, 08:26 Məni niyə Şuşaya aparmayıblar? 14 May 2021, 01:17 Bakıda yeniyetmə boğazından bıçaqlandı 14 May 2021, 00:58 Ən çox peyvənd vurulan ölkələr 14 May 2021, 00:43 ABŞ 120 nəfərlik personalı İsraildən çıxardı 14 May 2021, 00:27 İsrailin atəşi nəticəsində “Anadolu” agentliyinin iki əməkdaşı yaralandı 14 May 2021, 00:16 Livandan İsrail istiqamətinə raket atıldı 14 May 2021, 00:01 Ermənistan-Azərbaycan sərhədində gərginliyin izi hara aparır? - TƏHLİL 13 May 2021, 23:53 Gürcüstanın Baş naziri müsəlmanları təbrik etdi - FOTO 13 May 2021, 23:48 Polisin xəbərdarlığına baxmayan 10 piyada cərimələndi - FOTO 13 May 2021, 23:32 “Oğlumun “Sportinq”ə keçməsi üçün hər şeyi edəcəm” - Ronaldonun anası 13 May 2021, 23:17 Türkiyədə yoluxanlar azaldı, ölənlər artdı 13 May 2021, 23:04 ABŞ-dan Azərbaycan və Ermənistana ÇAĞIRIŞ 13 May 2021, 22:49 İsmayıllıda ağır yol qəzası - ölən var 13 May 2021, 22:35 Dövlət Sərhəd Xidmətinin rəhbərliyi Ermənistanla sərhədə GETDİ 13 May 2021, 22:27 Daha 30 şirkət Rusiyaya pomidor ixrac edəcək 13 May 2021, 22:18 Ermənistan-Azərbaycan gərginliyi: “Bizə aid olanların hamısını geri qaytaracağıq!” - ŞƏRH 13 May 2021, 22:03 Ermənistanla sərhəddə nə baş verir? - XİN AÇIQLAMA YAYDI 13 May 2021, 22:03 ATƏT sədri Ermənistanın XİN rəhbəri ilə də danışdı 13 May 2021, 21:53 Cəlilabadda atanın törətdiyi qəzada qızı öldü 13 May 2021, 21:42