Rusiyanın Sverdlovsk şəhərində 18 mərtəbəli “Azərbaycan evi”nin tikintisi sentyabrda başlayacaq.
Modern.az Rusiya KİV-nə istinadən xəbər verir ki, hazırda Azərbaycan diasporu ilə Sverdlovsk vilayətinin rəhbərliyi atasında tikinti işlərinin aparılacağı ərazi müəyyənləşdirilir.
Vilayət rəhbərliyi Yekaterinburqun Sulimov-Omskaya küçələrinin kəsişməsində, Bolşakov yaxud Akademiçeski küçələrindəki torpaq sahələrini “Azərbaycan evi”nin inşası üçün təklif edib.
Xatırladaq ki, “Azərbaycan evi”nin inşası ilə bağlı işlər 2014-cü ildə dondurulmuşdu. Tikinti ilə bağlı rəsmi icazə olsa da, şəhər sakinləri inşaat işlərinin Osnovinsk parkında aparılmasına etiraz etmişdi. 6 il aparılan danışıqlardan sonra Azərbaycan diasporu məsələni hüquqi yolla həll edib.