Azərbaycanın işğal altındakı Qarabağ bölgəsində epidemiloji vəziyyət kəskin pisləşib.
Modern.az Ermənistan KİV-nə istinadən xəbər verir ki, ötən sutka ərzində pandemiya başlayandan bəri Qarabağda rekord sayda - 17 nəfərdə COVID-19 virusu aşkar olunub.
Virusa yoluxanların 9-u Xankəndi, 3-ü Şuşa, 2-si Kəlbəcərdə, 1-i Kəlbəcərin Qılıçlı kəndində, 1 nəfər isə Xocalı rayonunun Daşkənd kəndində yaşayan ermənilərdir.
İşğal olunmuş torpaqlarda bu günə qədər 421 nəfər virusa yoluxub, onlardan 2-si ölüb, 81 nəfər isə müalicə alır.
Amma çoxsaylı jurnalistlər və ictimai fəallar Qarabağda virusa yoluxanların rela sayının qat-qat çox olduğunu, bölgədə yaradılmış qondarma rejim rəhbərlərinin və rəsmi Yerevanın faktı ört-basdır etdikləri vurğulanır.