Ankaradakı “Gülnar yayınları” nəşriyyatı Yeni il ərəfəsində tanınmış jurnalist, filologiya elmləri doktoru, Bakı Dövlət Universitetinin professoru Qulu Məhərrəmlinin “Radio teatr sənəti” monoqrafik əsərini çap edib.
Modern.az xəbər verir ki, kitabı türk oxucularına təqdim edən İstanbul Yeni Yüzyıl Ünversitetinin Media və jurnalistika bölümünün rəhbəri Pof.Dr.Yucel Sarı yazdığı giriş məqaləsində Azərbaycan radiosunun tarixi, onun bədii verilişlər sistemi, dram sənətinin bir qolu kimi radioteatrın inkişafı, bu sahənin formalaşmasında rolu olan böyük sənətkarlar haqqında bəhs edib.
O, həmçinin professor Q.Məhərrəmlinin mediadakı çoxşaxəli fəaliyyəti və elmi yaradıcılığı haqqında oxuculara məlumat verib. Qardaş ölkədə maraqla qarşılanan əsər haqqında nüfuzlu teleradio mütəxəssisləri – professorlar Aysel Aziz və Kamile Akgül yüksək rəy bildiriblər.
Redaktorları Hamit Gök və Dr.Hüseyin Soytürk olan “Radio teatr sənəti” kitabı nəfis şəkildə və kütləvi tirajla nəşr edilib.
