Dövlət Miqrasiya Xidmətinin (012) 919 - Çağrı Mərkəzi ötən il fəaliyyətini daha da gücləndirib. Miqrantlar Çağrı Mərkəzi vasitəsilə Xidmətə müraciət ediblər.

Modern.az xəbər verir ki, bunu yanvarın 14-də Dövlət Miqrasiya Xidmətinin rəisi Vüsal Hüseynov 2020-ci ilin yekunlarına həsr olunmuş onlayn mətbuat konfransında bildirib.

V.Hüseynov vurğulayıb ki, müraciətlər dərhal araşdırılıb və qaldırılan problemlər həll olunub. Pasport müddəti başa çatan miqrantların müvəqqəti yaşamasına icazə verilib. Əcnəbi vətəndaşlara şərait yaradıldı ki, onlar həmin sənədlərlə ölkə ərazisində problemsiz yaşaya bilsinlər. Əcnəbilərin rahatlığını təmin etmək üçün lazımi şərait yaradılıb.

2020-ci ildə Dövlət Miqrasiya Xidmətinin (DMX) elektron xidmətlərinə 12 min 599 nəfər müraciət edib. Ötən il Dövlət Miqrasiya Xidmətinə ölkəmizdə müvəqqəti olma müddətinin uzadılması, iş və yaşama icazələri ilə bağlı elektron müraciətlərin sayında 8,5 dəfə artım müşahidə edilib. Belə ki, 2019-cu ildə müraciətlərin sayı 1475, 2020-ci ildə isə 12 min 599 nəfər olub.

Xidmət rəisi, həmçinin bildirib ki, “ASAN xidmət” İndeksinə əsasən Dövlət Miqrasiya Xidməti ötən il mərkəzi icra orqanları arasında ən yüksək nəticəni göstərib. Bu rəqəm 85,54 faiz təşkil edib.

Ötən il Azərbaycana xarici ölkədən 52 nəfər qaçqın kimi müraciət edib.

409 nəfər Azərbaycan vətəndaşlığına qəbul edilib, 8 nəfər isə vətəndaşlığa bərpa olunub. Yeni il bayramı ərəfəsində müraciətləri əsasında 3 şəhid anasına Azərbaycan vətəndaşlığı verilib.

V.Hüseynov əlavə edib ki, ötən il qaçqın statusunun alınması ilə bağlı müraciətlərdə 87 faiz azalma olub.

Xidmət rəisi bildirib ki, hazırda Azərbaycanda 118 409 əcnəbi yaşayır: