Arxiv
3 Fevral 2021, 12:25 | ƏDƏBİYYAT
Professional yaltaqlıq nümunəsi

Akif Cabbarlı


Yaşıltəpə Ərazi İdarəsinin bütün əməkdaşları hər səhər adəti üzrə rəis Barxudar İmanquliyevi binanın giriş qapısında qarşılayır, hal-əhval tutur, sonra da sıravi əsgərlər komandiri necə müşayiət edib kazarmaya ötürürlərsə, bax o cür kabinetinə kimi mətin addımlarla yola salırlar. Rəis də özündən razı halda köməkçisinin taybatay açdığı qapıdan şeşələnə-şeşələnə içəri keçib boyundan xeyli hündür kreslosuna yayxanır.


Günlərin birində yenə iş başlayar-başlamaz binanın arxa girişində rəisi qarşılayanlardan biri – yəni ki, lap birincisi, birinci müavin rəhbərin salamını cavablandırmadı. Bu da ki, təbii olaraq rəisin diqqətindən yayınmadı. O, hirsli-hikkəli baxışlarla müavinini süzüb acıqlı halda soruşdu:


-Nə olub, Qulam müəllim, salamımı niyə almırsan? Bəlkə qulağına ayrı söhbət-zad çatıb? Yadında saxla ki, mən bu rayondan gedəsi olsam, mənim əmrimdən azı bir saat qabaq səninki oxunacaq. Tak çto, işini bil...


Birinci müavin olduqca küskün halda dilləndi:


-Cənab rəis, incimişəm sizdən. Ürəyinizə də başqa şey gəlməsin.


-Nə olub ki, nə pisliyim keçib sənə? Ümumiyyətlə, bax bu işçilərin hansına kəm baxmışam, çörəyini kəsmişəm? Deyin də, mən də bilim. Mən bu rayona gələndən adam kimi gün görürsünüz, yağ-bal içində yaşayırsınız.


-Yox ee, cənab rəis, vallah, özüm də utanıram səbəbini deməyə.


-Yenə də olsun, hər halda salamımı almamağının səbəbini bilməliyəm axı.


-Cənab rəis, düzünü desəm, sizdən ona görə incimişəm ki...


Birinci müavin yenə fikrini axıra çatdırmadı. Ərazi İdarəsinin əməkdaşları hamılıqla bu dialoqun hansı sonluqla bitəcəyini səbirsizliklə gözləyirdi. Rəis də maraqla müavininin nə cür izahat verəcəyinin intizarındaydı.


Nəhayət, Qulam müəllim boğazını arıtlayıb yazıq bir görkəm alaraq bu cür söylədi:


-Cənab rəis, neçə gündür fikir verirəm, Allah gözümü töksün yalan deyirəmsə, nədənsə gözümə yaman sınıx görünürsünüz ey. Nə isə səbəbini soruşmağa da cürət eləmirəm, heç özünüzə baxmırsınız ey... Bax, Sizdən inciməyimin də səbəbi bununla bağlıdır. Elə eləməyin də, noolar... Axı, biz hamımız Sizinlə nəfəs alırıq.


Ədəbiyyata düşəsi kələk

 


Adamların bir-birinə kələk gəlməyini, yeri gələndə hansısa işin xatirinə aldatmağını çox görmüşük. Bəzən heç nədən tələyə düşən vaxtlarımız da olub. Amma pirə, ocağa kələk gələn, azdıranlara da rast gəlirik. Elə N kəndinin duzlu-məzəli, zarafatcıl sakinlərini – Səfər kişi ilə Musa dayını götürək.


İndi sizə danışacağım əhvalat çoxdan, sovet dönəmində baş verib. O uzaq illərdə Ağdaş ticarətdə, indiki dillə desək, biznes məsələlərində öndə gedən rayonlardan olub. Ətraf rayonların camaatı, elə bizim Qəbələnin sakinləri də hər həftəsonu Ağdaşın mərkəzi kolxoz bazarına və Türyançayın sahilində meydan sulayan mal-qara bazarına tələsər, kənddən gətirdikləri mer-meyvəni, qoyun-quzunu, inəyi satar, sonra da zənbillərini evə, ailəyə gərəkli ərzaqla, pay-parça ilə doldurub geri dönərdilər.


Günlərin birində yazının əvvəlində adlarını çəkdiyim kişilər neçə vaxtdan bəri bəslədikləri cöngələri Qaz-51 markalı yük maşınına mindirib yollanırlar qonşu rayonun mal meydanına. Sürücünün də şahidliyi ilə öz aralarında vədələşirlər ki, işləri yaxşı getsə, heyvanlara babat pul versələr, yollarının üstündəki Mirusuf ağanın ocağına adama bir onluq qoyacaqlar. Nə isə. Cöngələri elə bil bazarda səbirsizliklə gözləyirmişlər. Müştərilər dərhal heyvanların başlarına kəndir keçirib dostların ürəyindən keçəndən də artıq məbləğ ödəyirlər. Qaz-51-in sürücüsü qayıdıb deyir ki, Mirusuf babanın gücünə, zoruna daha heç bir sözüm yoxdur. Səfər və Musadan isə səs çıxmır. Sadəcə razılıqla başlarını yelləyir, sonra bir kənara çəkilib nəyi isə qısaca müzakirə edirlər.


Evə alınası şeyləri də kuzovda yerləşdirib geri dönürlər. Pirin lap qənşərində maşını saxlayan Əli kişi sərnişinləri dəhmərləyir:


-Hə, düşün, nəzirinizi verin, yolumuza davam eləyək.


Dostlar kabinadan düşüb pirin həyətinə keçirlər. Mərmərdən olan sinədaşının üstündəki ağır güldanı ehmalca qaldırırlar. Adətən yetim-yesir, əlsiz-ayaqsız adamlar üçün qoyulan pulların üstünə növbə ilə adama bir 10-luq atırlar. Sonra da Səfər Musanın, Musa da Səfərin qoyduğu pulu götürüb dərhal piri tərk edirlər. Deməli, həm borclarından çıxır, həm də ehtiyacı olan birisi kimi pirə verilən nəzir-niyazdan bəhrələnirlər...


Lap tarixə... Yox-yox, ədəbiyyata düşəsi kələk nümunəsidir ha...

BU KATEQORİYADAN OLAN DİGƏR XƏBƏRLƏR
+ Arxiv
İspaniya AVRO-2020-dən imtina etdi 22 Aprel 2021, 01:00 Saxta koronavirus peyvəndləri aşkarlandı 22 Aprel 2021, 00:53 36 yaşlı Yakub Kulqanek Çexiyanın xarici işlər naziri təyin edildi 22 Aprel 2021, 00:47 Milli Məclisin bitərəf deputatları TOPLAŞIR 22 Aprel 2021, 00:34 Gimnastımız Avropa Çempionatının finalına çıxdı 22 Aprel 2021, 00:23 Moskvada "Navalnıya azadlıq" aksiyası 22 Aprel 2021, 00:06 Çexiya ilə Rusiya arasında diplomatik qalmaqal böyüyür 21 Aprel 2021, 23:54 Qarabağdakı Rusiya-Türkiyə Birgə Monitorinq Mərkəzi ilə bağlı AÇIQLAMA 21 Aprel 2021, 23:39 Goranboyda azyaşlını it dişlədi 21 Aprel 2021, 23:22 Bakıda sökülməkdə olan evlərdə yanğın 21 Aprel 2021, 23:07 Paşinyanın evinin qarşısında aksiya - VİDEO 21 Aprel 2021, 22:59 "Qarabağ" "Sumqayıt"la sülh bağladı - Azərbaycan Kuboku 21 Aprel 2021, 22:48 Dünyanı dünyanın başına YIXACAQ(MI?) 21 Aprel 2021, 22:41 Hüseynbala Mirələmovun biabırçı görüntüləri yayıldı - VİDEO 21 Aprel 2021, 22:37 Paytaxtda gənc qızı maşın vurdu 21 Aprel 2021, 22:33 Mariya Stadnik Avropa çempionatının finalında - FOTO 21 Aprel 2021, 22:22 "Real"ın futbolçusu koronavirusa yoluxdu 21 Aprel 2021, 22:10 Göygöldə qadın sirkə turşusu içib zəhərləndi 21 Aprel 2021, 21:55 BMT baş katibi Zelenski ilə danışdı 21 Aprel 2021, 21:41 Türkiyədə koronavirusla bağlı vəziyyət daha da pisləşdi 21 Aprel 2021, 21:23 Paşinyanın kortejini saxlayanlar cəzalandırılacaq 21 Aprel 2021, 21:08 Kürdə xilas edilən şəxs daha sonra qollarını doğradı 21 Aprel 2021, 20:55 Çempionlar Liqasının kuboku İstanbula gətirildi 21 Aprel 2021, 20:41 Çində peyvənd olunanların sayı açıqlandı 21 Aprel 2021, 20:29 Avrokomissardan Azərbaycan və Ermənistana çağırış: "Münaqişə bitib, barışmaq vaxtı çatıb" 21 Aprel 2021, 20:15 Sabirabadda 22 yaşlı hamilə qadın xəstəxanada öldü 21 Aprel 2021, 20:04 “Dərs vaxtı”nda cədvələ uyğun mövzular təqdim olunub 21 Aprel 2021, 19:10 Millimizə "Kasımpaşa"dan oyunçu çağırılıb 21 Aprel 2021, 19:02 Rusiya aviaşirkətləri Azərbaycana müntəzəm reyslər üçün icazə alıb 21 Aprel 2021, 18:55 MSK-nın tərkibi yenidən formalaşdırılır - Namizədlər kimlər olacaq? 21 Aprel 2021, 18:48 Naxçıvan Qarnizonu Qoşunlarında hərbi hissə rəhbərliyi ilə məşğələ keçirilib - VİDEO 21 Aprel 2021, 18:40 Lukaşenko sabah Putinlə görüşəcək 21 Aprel 2021, 18:32 “Gilan”a məxsus obyektdə qanunsuzluqlar AŞKARLANDI 21 Aprel 2021, 18:25 Rusiya 10 amerikalı diplomatı ölkədən qovur 21 Aprel 2021, 18:17 Səfərbərlik Xidmətindən şəhid statusunun verilməməsi ilə bağlı iddialara CAVAB 21 Aprel 2021, 18:08