Azərbaycan Respublikasının miqrasiya orqanlarına qulluğa qəbul ilə əlaqədar test imtahanı keçiriləcək. Bu barədə Dövlət Miqrasiya Xidmətindən Modern.az-a verilən məlumata görə, test imtahanları sentyabrın 2-də keçiriləcək.
Bildirilib ki, müsabiqənin test mərhələsi 2012-ci il sentyabr ayının 2-də Bakı şəhəri, Möhsün Sənani küçəsi 14 ünvanında – Bakı Qızlar Universitetinin inzibati binasında saat 11:00-da keçiriləcəkdir.
Qulluğa qəbul ilə bağlı müraciət etmiş namizədlər “İmtahana buraxılış vərəqəsi ”ni 30 avqust 2012-ci il tarixədək (30 avqust daxil olmaqla) saat 09:00-dan saat 17:00-a qədər Bakı şəhəri, Binəqədi rayonu, 3123-cü məhəllə, Binəqədi şossesi 202 ünvanından - Azərbaycan Respublikası Dövlət Miqrasiya Xidmətinin Aparatından əldə edə bilərlər.
Qeyd edək ki, Azərbaycan Respublikasının miqrasiya orqanlarına qulluğa qəbul ilə əlaqədar sənəd qəbulu iyulun 2-dən avqustun 3-dək davam edib.
Anar RÜSTƏMOV