Modern.az

Elm və innovasiya fondlarının statusu dəyişir

Elm və innovasiya fondlarının statusu dəyişir

Aktual

23 Aprel 2021, 13:34

Elm və innovasiya fondları qeyri-kommersiya statusundan çıxarılır.

 

Modern.az-ın məlumatına görə, bu, Milli Məclisin bu gün keçirilən iclasında müzakirəyə çıxarılan “Elm haqqında” qanuna təklif edilən dəyişiklikdə əksini tapıb.

 

Qeyd olunub ki, dəyişiklik elm sahəsində yaradılan elm və innovasiya  fondlarının statusu ilə bağlı mövcud məhdudiyyətlərin aradan qaldırılması və qanunvericiliyin təkmilləşdirilməsi məqsədini daşıyır.

 

Mülki Məcəlləyə əsasən, qeyri-kommersiya təşkilatı fəaliyyətinin əsas məqsədi mənfəət götürməkdən ibarət olmayan və götürülən mənfəəti iştirakçıları arasında bölüşdürməyən hüquqi şəxsdir. Mövcud qanunda bu məhdudiyyətin aradan qaldırılması elmin inkişafı məqsədilə elm və innovasiya fondlarının yaradılmasını, habelə onların qanunvericiliklə nəzərdə tutulan digər hüquqi şəxslər formasında yaradılmasını və fəaliyyətini təşviq edəcək.

 

Qanun layihəsi səsə qoyularaq bir oxunuşda qəbul edilib.

Facebook
Dəqiq xəbəri bizdən alın!
Keçid et
Rusiyada ağır döyüşlər: Ukrayna partizanları əraziləri bombalayır