"Müəyyən səbəblərdən peyvənd olunması tövsiyə edilməyən şəxslərlə bağlı hələ heç bir qərar, yaxud məhdudiyyət yoxdur".
Modern.az-ın məlumatına görə, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası departamentinin müdiri Yaqut Qarayeva deyib. O bildirib ki, bununla bağlı ölkə xaricinə giriş-çıxış qaydalarına dair qüvvədə olan heç bir məsələ yoxdur:
“Bu gün bütün dünyada ölkələr arasında gediş-gəliş PZR testi əsasındadır. Ölkədə də giriş-çıxış qaydaları bəllidir. Hələ heç bir qərar qəbul edilmədiyi üçün heç nə demək mümkün deyil. Sərhədlər də bağlıdır. Gələcəkdə hansı qərarlara gəlinəcəksə, bu barədə yenilik olarsa, ictimaiyyətə məlumat veriləcək”.