Azərbaycanın eks-iqtisadi inkişaf naziri Heydər Babayev “Çudo Peçka” şirkəti ilə bağlı məsələyə aydınlıq gətirməkdən imtina edib. Modern..az-ın bu qalmaqalda adının hallandırılması ilə bağlı sabiq nazirdən mövqe öyrənmək cəhdi nəticəsiz qalıb. H.Babayev əməkdaşımızın sualını cavablandırmaqdan imtina edib.
“Məni bu məsələ ilə bağlı narahat etməyin”-deyən sabiq nazir danışmaq istəməyib.
“Mənə daha zəng vurmayın. Axı demişəm ki, jurnalistlər məni narahat etməsinlər”-deyə H.Babayev vurğulayıb.
Ötən həftə Standartlaşdırma, Metrologiya və Patent üzrə Dövlət Komitəsinin apardığı montiroinqlər zamanı ölkənin tanınmış ticarət brendi olan “Çudo Peçka” MMC-yə məxsus istehsal şəbəkəsində ciddi nöqsanlar aşkarlanıb. KİV-də bu şirkətin yeni sahibi olaraq eks-nazir Heydər Babayevin adı hallanır. Lakin sabiq nazirin indiyə qədər bu məsələ ilə bağlı hər hansı açıqlaması olmayıb.
Modern.az
