Arxiv
11 İyun 2021, 15:46 | AKTUAL
Gözləmədiyimiz transfer reallaşdı: Uğurlar, Mahir!

Mahir Emreli indi öz məharətini Polşada nümayiş etdirməli olacaq: onun “Qarabağ”dan “Legia”ya transferi, nəhayət, rəsmiləşdi. Bu elə hadisədir ki, reallaşacağına, bəlkə də, heç kim inanmırdı. Nə jurnalistlər, nə azarkeşlər…

Məlum məsələdir, azərbaycanlı futbolçular xarici klublarda çıxış etməyə həvəsli deyillər. Bunun da səbəbi sirr deyil: onlar ölkədə digər peşə sahiblərinin əksəriyyətindən çox qazanırlar.

 

Avrokubokların qrup mərhələlərində fərqlənə bilməsə də, “Qarabağ”ın tarixində ilk dəfə Çempionlar Liqasında çıxış etməsində o vaxt 20 yaşı olan Mahirin də əməyi vardı. 2017-ci ildə “Kopenhagen” ilə ilk oyunda onun vurduğu qol “Qarabağ”a 1:0 hesablı qələbə qazandırmış, cavab oyununda 1:2 hesabı ilə uduzsalar da, qrup mərhələsinə çıxa bilmişdilər.

Ondan sonra Mahir avrokubokların seçmə mərhələlərdə “Dundalk” və “APOEL”, həmçinin ötən mövsüm “Sileks” və “Şeriff”i məyus edə bilib.

 

2017/18 mövsümündən başlayaraq Mahir Azərbaycan Premyer Liqasında ya mövsümün bombardiri, ya da ən sərrast oyunçularından biri olur. Bu ilin apreldə “Qəbələ”yə 5:0 hesabı ilə qalib gəldikləri oyunda 71-ci dəqiqədə meydana çıxdıqdan sonra oyunun sonunda iki dəqiqə ərzində het-trik etməyi bacarıb.

 

Bununla belə, Mahir Azərbaycanda son illər, bəlkə də, ən çox tənqid olunan futbolçudur. İstər “Qarabağ” olsun, istər Azərbaycan millisi məğlub olur - günahkar Mahir Emrelidir, qol vurmur - yenə onun günahıdır.

Xüsusilə də ötən il UEFA Millətlər Liqası-2020/2021 çərçivəsində Lüksemburqla oyunun 25-ci dəqiqəsində qırmızı vərəqə alması və nəticədə Azərbaycan millisinin 1:2 hesabı ilə məğlubiyyətindən sonra tənqidlər pik həddə çatmışdı.

 

Yeri gəlmişkən, Mahir Emreli ilə bağlı maraqlanan Polşanın Goal.pl saytına həmçinin onun yeniyetmə vaxtlarında “Atletiko Madrid” və “Lans”ın düşərgəsində də təcrübə keçdiyini, başla oyun, təkətək mübarizələrdən qalib ayrıla bilməsi, qol duyumunun üstün cəhətləri olması, ingiliscə bilməsinin “Legia”ya tez adaptasiya olmasına kömək edə biləcəyini də bildirdim.

 

Ümumiyyətlə, ulduzu parlayandan Mahirin adı bir çox klubla hallanıb. Onların arasında “Beşiktaş” da olub, İspaniyanın “Malaqa” və “Ekstremadura” klubları da. Bu ilin əvvəlində mətbuatda Avstriya “Şturm”unun da onu transfer etmək istədiyi barədə məlumat vardı.

 

Amma Mahirin “Qarabağ”dan məhz “Legia”ya keçəcəyinə heç kim inanmırdı. Çünki son 7 mövsümdə mütəmadi olaraq avrokubokların qrup mərhələsində oynamış “Qarabağ” son 4 mövsümdə Avropada qrup mərhələsinə çıxa bilməyən “Legia”dan daha üstün klub sayılır.

Ondan başqa, 2010-cu ildən başlayaraq Azərbaycan və Polşa təmsilçilərinin avrokuboklardakı 5 mübarizəsindən 4-də azərbaycanlılar qalib ayrılıb. O cümlədən 2020-ci ildə “Qarabağ” məhz Polşada “Legia”ya 3:0 hesabı ilə qalib gələrək Avropa Liqasının qrupuna düşüb. 

 

Mahir Emrelidən əvvəl də Polşada azərbaycanlı futbolçular çıxış edib. Anar Kələntərov 1997-ci ildə “Çuvay Pşemısl” komandasının oyunçusu olub. Ruslan Məcidov 2006-cı ildə “Vidzev Lodz”un qapısını qoruyub. Saşa Yunisoğlu 2007-2008-ci illərdə “Diskobolia Qrodzisk” və “Polonia Varşava”nın heyətində yer alıb. Fuad Bayramov isə 2021-ci ildən “Ostrovets Sventokşiski” klubunda oynayır.

Onlardan əvvəlsə Azərbaycan futbolçusu Yuri Kuznetsov hələ sovet dövründə - 1970–1971-ci illərdə “Qvardiya Varşava” komandasını çalışdırıb.

 

Ümumiyyətlə, “Qarabağ” avrokubokların daimi iştirakçısı olsa da, transfer bazarında satış baxımından fəal iştirakçı deyil. Mahir Emrelidən əvvəl “Qarabağ”dan yalnız Vaqif Cavadovun 2010-cu ildə “Tvente”yə, 2017-ci ildə Reynaldonun Türkiyə “Adanaspor”una, Riçard Almeydanın 2018-ci ildə Qazaxıstan “Astana”sına keçidi Azərbaycanda səs-küyə səbəb olmuşdu.

 

Mahir Emreli, nəhayət, tilsimi qırdı, Avropaya üz tutdu. Bəs indi növbə kimindir?

 


Rasim Mövsümzadə

 

BU KATEQORİYADAN OLAN DİGƏR XƏBƏRLƏR
+ Arxiv
İki informasiyada gizlənən kodlar: Erməni generalın bəyanatının PƏRDƏARXASI 23 İyun 2021, 12:58 Ağdamın Salahlı Kəngərli kəndi - VİDEO 23 İyun 2021, 12:52 Yanğına görə aeroport yolunda sürət həddi endirildi 23 İyun 2021, 12:48 Taqanroq diviziyasının igid döyüşçüsü Şamil Yadigarov - FOTOLAR 23 İyun 2021, 12:43 Prezident dövlət qulluqçularını təltif etdi - SİYAHI 23 İyun 2021, 12:40 Keçmiş mətbuat katibi HƏBS EDİLİB 23 İyun 2021, 12:35 Emin Əmrullayev Bakı Ali Neft Məktəbində   23 İyun 2021, 12:34 Prezident BMT-nin ali nümayəndəsini qəbul edib  23 İyun 2021, 12:30 Sinoptiklərin hava xəbərdarlığına görə HƏKİM MƏSLƏHƏTİ 23 İyun 2021, 12:25 İlham Əliyev Birləşmiş Ərəb Əmirliklərinin iqtisadiyyat nazirini qəbul edib 23 İyun 2021, 12:20 Tural Gəncəliyev: “Qarabağa qayıtmaq hüququmuzdan istifadə edə bilmirik” 23 İyun 2021, 12:17 Hər yetəndən bal ALMAYIN - Loğman MƏSLƏHƏTİ 23 İyun 2021, 12:11 Nazirlik anomal isti ilə bağlı əhaliyə müraciət etdi 23 İyun 2021, 12:05 “Heç zaman dünya hegemonluğuna iddia etməyəcəyik” – Çinin müdafiə naziri 23 İyun 2021, 11:59 Azərbaycan Dünya Bankının kreditindən İMTİNA ETDİ 23 İyun 2021, 11:53 Avropa Şurasının Baş katibi Ermənistandan mina xəritələrini TƏLƏB ETDİ 23 İyun 2021, 11:47 Putin-Bayden görüşü MDB ölkələrində nəyi dəyişəcək... 23 İyun 2021, 11:45 Problemli kreditlərinin həcmi artıb 23 İyun 2021, 11:42 Gec olmadan peyvənd olunmalıyıq - Naqif Həmzəyev 23 İyun 2021, 11:40 Gənclərin inkluziv qanunvericiliyin təmin olunmasında rolu 23 İyun 2021, 11:36 “Nar” abunəçilərinin nəzərinə! 23 İyun 2021, 11:33 Daha bir şəhid övladı doğuldu - Vətən müharibəsindən sonra 100-cü uşaq - FOTO 23 İyun 2021, 11:28 Şahin Mustafayev Ağdamda iclas keçirir - FOTO 23 İyun 2021, 11:22 Space TV-nin Qarabağ müxbirləri: “Yaxınlığımıza düşən mərmilər son reportajımız ola bilərdi” - MÜSAHİBƏ+VİDEO 23 İyun 2021, 11:16 Putindən növbəti QARABAĞ AÇIQLAMASI: “Rusiyanın həlledici səyləri...” 23 İyun 2021, 11:10 Bakının sənədsiz evlər PROBLEMİ - Bu evlərə sənəd verilməyəcək 23 İyun 2021, 11:04 Zaqatala sakininin evindən civə tapıldı - FOTO 23 İyun 2021, 11:00 45 mindən artıq fermerə subsidiya ödənilib 23 İyun 2021, 10:56 “Bu məxluqdan xilas olmalıyıq” – Ermənistan müxalifəti 23 İyun 2021, 10:51 Əsirlərimizə işgəncə verən erməni hərbçilərinin məhkəməsi keçirilir 23 İyun 2021, 10:45 Kürdəmirdə qətl törədən şəxs tutuldu 23 İyun 2021, 10:39 UNEC-in növbəti beynəlxalq konfransı 23 İyun 2021, 10:33 ÜST-dən koronavirusun ən təhlükəli ştamı ilə bağlı XƏBƏRDARLIQ 23 İyun 2021, 10:27 Azərbaycan nefti 76 dollara yaxınlaşır 23 İyun 2021, 10:22 Dövlət qulluqçusu ona göstərilmiş etimadı düzgün dəyərləndirməlidir 23 İyun 2021, 10:17
SORĞU AVRO-2020-nin qalibi hansı komanda olacaq?