TƏBİB bir neçə müddət əvvəl müxtəlif sosial şəbəkə hesablarında paylaşılan videosu ilə marağa səbəb olan Tərtər rayon Təcili Tibbi Yardımın feldşeri Sevda Qaçayevanı sevindirib.
Modern.az-ın məlumatına görə, bu barədə məlumatı qurumun mətbuat katibi Elnarə Baxışova ictimailəşdirib.
E.Baxışova qeyd edib ki, videobloger Bayram Hacıyevin çəkdiyi görüntülərdə Sevda Qaçayeva öz səmimiyyəti ilə sosial şəbəkə istifadəçilərinin rəğbətini qazanıb:
“Videobloger TƏBİB rəhbəri Ramin Bayramlıdan feldşer xanımın təltif olunmasını xahiş edib. Sosial şəbəkə istifadəçiləri də bu xoşniyyətli çağırışa qatılıb”.
Qurum rəsmisi deyib ki, TƏBİB rəhbərliyi müraciətləri cavabsız qoymayıb:
“Sevda Qaçayevanın tibb sahəsindəki gərgin zəhməti və əməyi nəzərə alınaraq ona “Fəxri Fərman” verilib”.