Hazırda Koreyada təxminən 200 nəfərə yaxın azərbaycanlı yaşayır.
Bu barədə Modern.az-a müsahibəsində Azərbaycanın Koreya Respublikasındakı səfiri Rəmzi Teymurov bildirib
Diplomatın sözlərinə görə, Koreyada yaşayan soydaşlarımızın çoxu tələbələrdir:
"Koreyada təxminən 200 nəfərə yaxın azərbaycanlı yaşayır. Onların əksəriyyətini tələbələr və əvvəllər bu ölkədə təhsil almış, daha sonra ölkənin nüfuzlu şirkətlərində çalışan vətəndaşlarımız təşkil edir. Hazırda Koreyada yeganə diaspor təşkilatı kimi fəaliyyət göstərən BUTA Azərbaycan-Koreya Dostluq Assosiasiyası 21 mart 2009-cu ildə təsis edilib, 10 fevral 2015-ci il tarixində Koreyada qeyri-kommersiya məqsədli təşkilat kimi rəsmi qeydiyyatdan keçib".
Qeyd: Səfirin müsahibəsini yaxın saatlarda saytımızda oxuya bilərsiniz.
Aysel Məhərrəm