Modern.az

Məşhur gecə klubunda karantin qaydaları pozuldu  

Məşhur gecə klubunda karantin qaydaları pozuldu  

3 Avqust 2021, 09:18

Paytaxtın Nərimanov rayonunda yerləşən "İnfiniti" gecə klubunda karantin qaydalarının pozulması ilə bağlı KİV-də yayılan görüntülər Nərimanov Rayon Polis İdarəsində araşdırılıb.

 

Daxili İşlər Nazirliyinin mətbuat xidmətinin inspektoru, polis mayoru Anar Qafarovun Modern.az-a verdiyi məlumata görə, araşdırma nəticəsində obyektdə sanitar-karantin qaydalarının bir qisminə riayət edilmədiyi, müştərilərə klubun əməkdaşları tərəfindən qəlyandan istifadəyə şərait yaradıldığı məlum olub. Dəfələrlə edilən xəbərdarlıqlara baxmayaraq klub fəaliyyətini gecə saat 00:00 dan sonra da davam etdirir.

 

Qeyd edilən məsələlərlə bağlı obyektin icarədarı və klubun mühafizə xidmətinin əməkdaşı Nərimanov RPİ-yə dəvət ediliblər.

 

DİN rəsmisinin sözlərinə görə, klubun icarədarı İnzibati Xətalar Məcəlləsinin müvafiq maddəsi ilə 4000 mühafizə xidmətinin əməkdaşı isə 200 manat məbləğində cərimə ediliblər:

 

“Həmin şəxslərə xəbərdarlıq edilərək onlarla profilaktik söhbətlər aparılıb. Bildirilib ki,obyektdə belə bir hal növbəti dəfə aşkar olunduğu təqdirdə polis əməkdaşları tərəfindən daha sərt inzibati tənbeh tədbirləri görüləcək”.

 

Youtube
Kanalımıza abunə olmağı unutmayın!
Keçid et
Rusiyada ağır döyüşlər: Ukrayna partizanları əraziləri bombalayır