Modern.az

Nərimanovda şəhid ailələri ziyarət edilib

Nərimanovda şəhid ailələri ziyarət edilib

Aktual

24 Sentyabr 2021, 12:45

 

Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi altında rəşadətli Azərbaycan Ordusunun işğal altında olan torpaqlarımızı azad etmək məqsədilə sentyabrın 27-dən etibarən başladığı zəfər yürüşünun artıq 1 ili tamam olmaqdadır.  Qalibiyyətlə başa çatmış, 44 gün davam edən hərbi əməliyyatlar nəticəsində şanlı Azərbaycan Ordusu mənfur düşməni darmadağın etməklə uzun illər işğal altında qalan torpaqlarımızı azad etmiş, Müzəffər Ali Baş Komandanın rəhbərliyi ilə şanlı Ordumuz bütün dünyaya öz qüdrətini və gücünü nümayiş etdirib. 

 

Modern.az xəbər verir ki, Şəhid ailələrinin, qazilərin və hərbi xidmətdən tərxis olunanların hər birinin qayğıları həmişə olduğu kimi, bu gün də Nərimanov Rayon İcra Hakimiyyətinin nəzər və diqqətindədir.  Nərimanov Rayon İcra Hakimiyyətinin başçısı Abdin Fərzəliyev və İH-nin kollektivi 27 sentyabr – Anım Günü ərəfəsində də bütün şəhid ailələrini ziyarət etmişdir. Səmimi keçən görüşlərdə Abdin Fərzəliyev Müzəffər Ali Baş Komandan cənab İlham Əliyevin qətiyyətli rəhbərliyi ilə torpaqlarımızın işğaldan azad olunması uğrunda Vətən Müharibəsində şəhid olanlara Allahdan rəhmət, qazilərimizə şəfa diləyib, belə qəhrəman övladlar yetişdirdikləri üçün ailələrinə minnətdarlığını bildirərək qazanılmış Zəfərdə misilsiz rolu olan şəhidlərin heç vaxt unudulmayacağını, dövlətin, xalqın və sakini olduqları rayon icra hakimiyyətinin hər bir əməkdaşının daim onların yanında olduğunu bildirmişdir. Şəhid ailələri işğaldan azad edilmiş torpaqlarımızda Azərbaycan Respublikasının Prezidenti cənab İlham Əliyevin rəhbərliyi ilə uğurla və sürətlə aparılan quruculuq işlərindən fəxr hissi keçirdiklərini, keçmiş köçkün rayon sakinləri olan şəhid ailələri isə tezliklə dədə-baba torpaqlarına qayıdacaqları günü səbirsizliklə gözlədiklərini bildiriblər.

 

Azərbaycan Respublikasının Prezidenti cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tərəfindən şəhid ailələrinə, qazilərə, o cümlədən Vətən Müharibəsi iştirakçılarına göstərilən diqqət və qayğının ən yüksək səviyyədə olduğu, onların sosial məsələlərinə daim diqqət və həssaslıqla yanaşıldığı, bu qayğının hər zaman davam edəcəyi qeyd edilmişdir. Artıq rayon icra hakimiyyətinin hər bir əməkdaşı üçün əzizləşmiş şəhid ailələrinin üzvləri Müzəffər Ali Baş Komandan cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tərəfindən onlara göstərilən qayğı və diqqətə görə növbəti dəfə onlara öz minnətdarlıqlarını bildiriblər.

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir