Almaniyanın Hessen federal əyalətinin qərbində kiçik təyyarə qəzaya uğrayıb.
Modern.az-ın xəbərinə görə, bu barədə DPA agentliyi yerli polisə istinadən məlumat yayıb.
Məlumata görə, qəza Butzbax şəhəri ilə aerodrom arasındakı Vetterau rayonunda baş verib.
Qəza nəticəsində iki nəfər dünyasını dəyişib. Hər ikisi Baden-Vürttemberq federal əyalətinin sakinləridir.
Hadisənin səbəbi hələ müəyyən edilməyib. Faktla bağlı araşdırma aparılır.
