“Atası ermənilər tərəfindən qətlə yetirilən Sevinc Osmanqızı deyir ki, kaş Paşinyan bizim prezident olaydı. Zamanında Cəmil Həsənli də Paşinyanı örnək göstərirdi”.
Modern.az xəbər verir ki, bu sözləri Milli Məclisin deputatı Kamal Cəfərov jurnalist Sevinc Osmanqızının canlı yayımda “Kaş, Paşinyan bizim prezident olardı” ifadəsinə münasibət bildirərkən deyib.
O qeyd edib ki, bu bir daha sübut edir ki, bu cür insanlar üçün milli dəyər yoxdur:
“Bəzi müxalifətçilərin də 44 günlük müharibə zamanı imitasiya etdiyi "birlik" də saxta olub. Yalnız şəxsi pr xarakterli olub. Başqa nə edə bilərdilər ki? Misal üçün Əli Kərimli 44 günlük müharibə zamanı ordu və ya müharibə ilə bağlı nə müxalifətçilik edə bilərdi? Xalqın dəmir yumruğu başına dəyərdi. O öz xislətini 45-ci gündə göstərdi”.
