Arxiv
24 Sentyabr 2013, 08:50 | ÖLKƏ
Müstəqil Azərbaycanın diplomat xanımları - onlar hansı səfirliklərdə çalışırlar? - ARAŞDIRMA - SİYAHI

Diplomatiya dedikdə əsasən beynəlxalq münasibətlərin iştirakçısı olan dövlət və qrupların səlahiyyətli nümayəndələri arasında danışıqların aparılması nəzərdə tutulur. Diplomatik xidmət bütün zamanlarda prestijli dövlət qulluğu sayılıb. Fövqəladə və səlahiyyətli səfir, konsul, daimi nümayəndə kimi vəzifələrdə çalışan diplomatlar ölkə başçılarının, hökumətlərin və xarici əlaqələr üzrə dövlət orqanların xarici siyasətinin məqsəd və vəzifələrini həyata keçirmək və dövlətin hüquq və maraqlarını xaricdə müdafiə etməklə məşğul olublar.

Bu gün Azərbaycan Respublikasının xaricdə 80-dək səfirliyi, konsulluğu, daimi nümayəndəliyi fəaliyyət göstərir. Müstəqil Azərbaycan Respublikasının beynəlxalq arenada apardığı xarici siyasətin həyata keçirilməsi diplomatların üzərinə böyük məsuliyyət qoyur. Onlar bu işi ölkəmizin maraqlarının təmin olunmasına istiqamətləndirməyə çalışırlar. Bunu bacarırlar ya yox, bu, başqa yazının mövzusudur.
Modern.az saytının bu yazısında isə biz müstəqil Azərbaycan Respublikasının xaricdəki diplomatik korpuslarında çalışan xanımlardan bəhs edəcəyik.

Qeyd edək ki, Azərbaycan qadınının diplomatiya sahəsindəki ilk uğuru tarixdən də bizə məlum olduğu kimi, orta əsrlədən başlayır. Bu uğur Şərqin ilk diplomat qadını Sara xatunun adı ilə bağlıdır. Adı Azərbaycanın dövlətçilik tarixinə ilk xanım diplomat kimi daxil olan Sara Xatun Ağqoyunlu dövlətinin möhkəmləndirilməsində, onun xarici siyasətinin müəyyənləşdirilməsində və həyata keçirilməsində mühüm rol oynayıb. O, oğlu Uzun Həsənin ən məsul diplomatik tapşırıqlarını böyük səylə və müvəffəqiyyətlə həyata keçirib.

Bəs Sara xatunun müasir davamçıları kimlərdir? Gəlin onların adları və hansı ölkələrdə çalışdıqları barədə öyrənək.

Beləliklə, başlayaq Azərbaycanın ABŞ-dakı səfirliyindən. Xarici İşlər Nazirliyinin məlumatına görə, bu ölkədəki səfirliyimizdə 5 xanım çalışır: müşavir Nərgiz Akif qızı Qurbanova, 2-ci katib Günay Həbib qızı Rəhimova, 3-cü katiblər Səbinə Gündüz qızı Sadıqlı, Könül Roman qızı Süleymanlı, Vüsalə Fikrət qızı Muradəliyeva.

Nyu-York şəhərində yerləşən BMT yanındakı daimi nümayəndəliyimizdə 2 xanım diplomatımız var: 1-ci katib Esmira Firudin qızı Cəfərova, 3-cü katib - Leyla Novruz qızı Məmmədəliyeva.

Azərbaycanın Almaniyadakı səfirliyində çalışan xanım diplomatlarımız 2-ci katib Lalə Aydın qızı Ağayeva, 3-cü katib Sara Zakir qızı Abbasovadan ibarətdir.

Avstriyadakı səfirliyimizin 5 əməkdaşı xanımdır: müşavir Xanım Məmməd qızı İbrahimova, 1-ci katib Leyla Eldar qızı Qasımova, 3-cü katiblər Dilarə Zakir qızı Abdullayeva, Nahidə Fərhad qızı Əbdürəhmanova və attaşe İradə Əmrah qızı Məlikova.

Azərbaycanın Belarusdakı səfirliyində 1 qadın diplomat çalışır: 2-ci katib Nigar Üzeyir qızı Çəndirli.

Belçika Krallığında da Azərbaycanı təmsil edən dplomat xanımlarımız var. Səfirliyimizin müşaviri Fərəh Fikrət qızı Gözəlova, 1-ci katibləri Leyla Yaşar qızı Abdullayeva, Fərəh Fuad qızı Acalova, 2-ci katibi  Nərgiz Arif qızı Tağızadədir.

Azərbaycanın NATO yanında nümayəndəliyi də bu sıradan istisna deyil. Nümayəndəliyin iki 2-ci katibi xanımdır - Gülnar Yusif qızı Məmmədova və Jalə İbrahim qızı İbrahimova.

Birləşmiş Ərəb Əmirliyinin Dubay şəhərində yerləşən Baş Konsulluğumuzun işçilərindən biri qadındır - konsul Sevinc Rauf qızı İsmayılova.

Bolqarıstandakı səfirliyimizdə Azərbaycanı iki xanım diplomat təmsil edir - müşavir Nigar Timurçin qızı Əfəndiyeva, attaşe Leyla Cavanşir qızı Məmmədova.

Fransadakı Azərbaycan səfirliyinin işçiləri arasında da iki xanım diplomat var. Bunlar attaşelər Mahirə Sarı qızı Mustafayeva və Nigar Mütəllib qızı Tağıyevadır.

Parisdə yerləşən YUNESKO yanında Daimi Nümayəndəliyimizin attaşesi xanımdır - Günay Ağalar qızı Axundova.

Azərbaycanın Gürcüstandakı səfirliyində çalışan attaşelərdən biri xanımdır - Nərminə Nəbi qızı Süleymanova.

Hindistandakı səfirliyimizin müşaviri də xanımdır - Yeganə Adil qızı Qafqazlı.

Azərbaycanın İran İslam Respublikasındakı səfirliyində 1-ci katib İradə Ağəli qızı Süleymanovadır.

İspaniya Krallığındakı səfirliyimizin 3-cu katibi də xanımdır - Nailə Ramiz qızı Rüstəmzadə.

İsveçdəki diplomatik korpusumuzda –səfirlikdə 3-cü katib Cəmilə Eldar qızı Nəzərovadır.

İtaliyada Azərbaycanı bir xanım diplomat təmsil edir. Bu, səfirliyimizin attaşesi Gülər Sirius qızı Salmanlıdır.

Qazaxıstanın Aktau şəhərindəki Baş Konsulluğumuzda da xanım diplomatımız çalışır - attaşe Sevinc Nizami qızı Qədirova.

Afrika qitəsində yerləşən və bu yaxınlaradək qanlı-qadalı ölkə kimi dünyaya səs salan Liviyada səfirliyimizin 1-ci katibi xanımdır - Sevda Çingiz qızı Fərəcova.

Macarıstandakı səfirliyimizin iki attaşesi xanımlardır - Aysel Mənsum qızı İbrahimli və Gülnarə Daşdəmir qızı Məmmədova.

Azərbaycanın Misir Ərəb Respublikasındakı səfirliyinin də əməkdaşları arasında xanım var - 3-cü katib Aygün Əbülfəz qızı Hüseynova.

Niderlanddakı səfirliyimizin attaşesi Elnarə Nəsir qızı Nəsirovadır.

Azərbaycanın Özbəkistandakı səfirliyində 2-ci katib Aynurə Fəxrəddin qızı Şükürova, 3-cü katib Nərminə Üzeyir qızı Çəndirlidir.

Polşa Respublikasında da ölkəmizi xanım diplomatlar təmsil edir. Bunlar səfirliyimizin 2-ci katibi  Kəmalə Süləddin qızı Qasımova, 3-cü katib Xuraman Eldar qızı İsmayılova, attaşe Sevda Qasım qızı Musayevadır.

Azərbaycanın Rusiyadakı səfirliyində düz 7 xanım çalışır:
Müşavir - Nigar Vəli qızı Axundova
Müşavir - Gülnarə Əliqulu qızı Ağalarova
Muşavir - Fəridə Mövsüm qızı Ağazadə
1-ci katib - Sevda Böyükağa qızı Paşayeva
1-ci katib - Leyla Elman qızı Musayeva
2-ci katib - Gültəkin Sahib qızı Cəlilova
Attaşe - Lalə Arif qızı İsmayılova

Rusiyanın Yetaketinburq şəhərindəki Baş Konsulluğumuzun attaşesi də xanımdır - Marina İvanovna Yüzbaşbəyova.

Türkiyə Cümhuriyyətində diplomatik görəvdə bir neçə xanımımız çalışır. Bunlar səfirliyimizin 1-ci katibi  Nəcibə Məmməd qızı Nəsibova, attaşe Failə Hüsrün qızı Əliyeva, habelə İstanbuldakı Baş Konsulluğumuzun konsulu Emma Nikolay qızı Heydərovadır.

Türkmənistan Respublikasındakı səfirliyimizin 1-ci katibi Mahirə Sabir qızı Əsədova da xanım diplomatlarımızdandır.

Azərbaycanın Yaponiyakı səfirliyində çalışanlardan biri xanımdır - 1-ci katib Nərminə Aydın qızı Aslanova.

Yunanıstandakı səfirliyimizin 2-ci katibi də xanımdır -Xatirə Qəşəm qızı Müseyibova.

Hər hansı bir xalqın diplomatiya tarixi həm də o xalqın dövlət ənənələri, siyasi varlıq, müstəqillik tarixi deməkdir. Bu baxımdan, Sara xatunun bir dövlət xadimi və diplomat kimi hə­yat yolu xalqımızın diplomatiya tarixindəki şanlı səhifələrdən biridir.
Bilmək olmaz, bəlkə bu gün səfirlik və konsulluqlarda aşağı vəzifələr tutan Sara xatunun müasir davamçılarından da kimlərsə gələcəkdə daha yüksək diplomatik görəv yerinə yetirməklə Azərbaycanın diplomatiya tarixində özünəməxsus yerə sahib olacaq... 

Ə.QAFARLI

BU KATEQORİYADAN OLAN DİGƏR XƏBƏRLƏR
+ Arxiv
“Status-kvo ən ideal variantdı, bacardığımız qədər danışıqları uzatmalıyıq” – Erməni politoloq 23 Fevral 2020, 21:17 "Qarabağ"dan daha bir qələbə 23 Fevral 2020, 21:09 İranda daha bir güclü zәlzәlә oldu 23 Fevral 2020, 20:56 “İtaliya hər zaman Azərbaycanın ərazi bütövlüyünü dəstəkləyib” - Azər Kərimli 23 Fevral 2020, 20:33 XİN-dən Türkiyəyə başsağlığı 23 Fevral 2020, 20:22 MSK daha iki seçki məntəqəsində səsvermənin nəticələrini ləğv etdi 23 Fevral 2020, 20:10 Daha bir seçki məntəqəsində nəticələr ləğv edildi 23 Fevral 2020, 20:07 67 saylı dairədə 2 məntəqədə seçkilər ləğv olundu 23 Fevral 2020, 19:33 Prezident İlham Əliyev Ərdoğana başsağlığı verdi 23 Fevral 2020, 19:01 MSK 60 saylı Salyan-Neftçala dairəsi ilə bağlı QƏRAR VERDİ 23 Fevral 2020, 18:41 Madər Musayevin dairəsindəki 1 məntəqədə pozuntular TƏSDİQLƏNDİ 23 Fevral 2020, 18:23 Ərəb koalisiyası husilərin partlayıcı ilə dolu qayığını məhv etdi 23 Fevral 2020, 18:13 Bu dairənin 11 məntəqəsində seçkilərin nəticəsi LƏĞV OLUNDU 23 Fevral 2020, 17:52 43 saylı seçki dairəsindən uduzan namizədin şikayətinə baxıldı 23 Fevral 2020, 17:47 Türkiyə koronavirusla əlaqədar İranla sərhədi bağlayıb 23 Fevral 2020, 17:41 Daha bir seçki dairəsi ilə bağlı qərar verildi 23 Fevral 2020, 17:25 11 saylı Qaradağ seçki dairəsi ilə bağlı şikayət təmin olunmadı 23 Fevral 2020, 17:04 Paşinyanın Qarabağda əsgərlik çəkən oğlunun YENİ VİDEOSU 23 Fevral 2020, 17:01 İranda zəlzələdə xəsarət alanların sayı 75-ə çatıb 23 Fevral 2020, 16:44 Mixail Zabelinin dairəsindən verilən şikayətlə bağlı QƏRAR 23 Fevral 2020, 16:41 MSK növbəti iclasını keçirir – Yeni şikayətlərə baxılacaq 23 Fevral 2020, 16:31 Azərbaycanda fotoistinad mədəniyyəti: “Bu məsələ məhkəmə predmeti olmalıdır”– FOTOQRAFLARLA SORĞU 23 Fevral 2020, 16:15 Diaspor rəhbəri İtaliyadakı azərbaycanlılara səsləndi 23 Fevral 2020, 16:02 Azərbaycanın İranla sərhədində nəzarət tədbirləri gücləndirilib 23 Fevral 2020, 15:46 Magistraturaya qəbul imtahanlarının nəticələri bu tarixdə AÇIQLANACAQ 23 Fevral 2020, 15:35 Ərləri, sevgililəri, qohumları tərəfindən öldürülən qadınlar... 23 Fevral 2020, 15:30 Berlində soydaşlarımızla görüş olub – FOTOLAR 23 Fevral 2020, 15:04 Tehrandakı Ermənistan səfirliyi fəaliyyətini dayandırdı 23 Fevral 2020, 14:43 Türkiyədə zəlzələdə ölü sayı 8-ə çatdı 23 Fevral 2020, 14:31 XİN-dən İrana gedən azərbaycanlılara koronavirus ÇAĞIRIŞI 23 Fevral 2020, 14:16 Baş redaktor 29 yaşında həyatını itirdi 23 Fevral 2020, 14:00 Sumqayıt Dövlət Universitetinin 4-cü kurs tələbəsi özünü asdı 23 Fevral 2020, 13:39 Bakıda sabah 11 dərəcə isti olacaq 23 Fevral 2020, 13:23 İsrailin Çindəki səfiri karantinǝ alındı 23 Fevral 2020, 13:14 İrandakı zəlzələ Türkiyədə dağıntılara yol açdı: 7 ölü, 5 yaralı 23 Fevral 2020, 13:02