Noyabrın 15-dən “qış rejimi”nə keçmiş “Azəriqaz” İstehsalat Birliyi bir sıra bölgələrdə yeni xətləri istifadəyə verib. Birliyin mətbuat katibi Araz Ağayev Modern.az-a açıqlamasında bildirib ki, əhaliyə verilən təbii qazın həcmi tələbata uyğun olaraq artırılıb. “Ölkə ərazisində yeni qaz xətlərinin çəkilməsi işinin sürətlə həyata keçirilir. Yaxın günlərdə Qax rayonun bir kəndində, Füzuli rayonunun bir neçə qəsəbəsində, habelə Lənkəran, Sabirabad, Saatlı, İmişli rayonlarında yeni qaz xətlərinin istifadəyə veriləcək və ilin sonunadək bütün işlər yekunlaşacaq”.
Gülşən Raufqızı
