Kiyevin Peçerski məhkəməsi paytaxt prokurorluğundan Ukrayna Milli Bankının sədri Valeriya Qontareva barəsində araşdırma aparılmasını xahiş edib. Modern.az xarici KİV-ə istinadən xəbər verir ki, qadın məmur vəzifə səlahiyyətlərindən sui-istifadə etməkdə günahlandırılır. İddia ilə vəkil Rostislav Kravets çıxış edib. O, bəyan edib ki, 2014-cü ilin avqust ayında Ukraynanın Mili Bankı valyuta ilə qəribə manipulyasiya edib. Belə ki, dolları bir qiymətə satıb, bir neçə gün sonra onu daha yüksək kursla alıb: “Beləliklə, Milli Bank hər bir dollarda 19 qəpik itirib və dövlətə ziyan dəyib”.
