Tovuzda iki nəfərin xəsarət alması ilə nəticələnən yol qəzası baş verib. Modern.az APA-ya istinadən xəbər verir ki, hadisə rayonun Əlibəyli kəndində baş verib. Hərəkətdə olan “VAZ 2107” markalı avtomobilin idarəetmədən çıxaraq yolun kənarında olan divara çırpılması nəticəsində iki nəfər, Əlibəyli kənd sakini 1989-cu il təvəllüdlü Quliyev Zülfüqar və Tovuz şəhər sakini 1997-ci il təvəllüdlü Tural Abdiyev müxtəlif bədən xəsarətləri ilə xəstəxanaya yerləşdiriliblər. Onlardan Z. Quliyevin vəziyyəti orta ağır, T. Abdiyevin vəziyyəti isə normal qiymətləndirilir.
Faktla bağlı araşdırma aparılır.
