Türkiyədə ölkə boyu elektrik enerjisinin kəsilməsinin səbəbləri araşdırılır. Modern.az saytı Türkiyə KİV-nə istinadla xəbər verir ki, baş nazir Əhməd Davudoğlu bu barədə danışıb.
O, elektrik enerjisinin birdən-birə kəsilməsində və bunun bütün bölgələrdə müşahidə edilməsində terror izi axtardıqlarını qismən də olsa etiraf edib.
“Bütün səbəblər araşdırılır. Terror hücumu ilə bağlı ehtimalları da araşdırırıq”,-deyə Əhməd Davudoğlu bildirib.
Baş nazir onu da əlavə edib ki, problemlə bağlı Enerji və Təbii Qaynaqlar Nazirliyində böhran masası təşkil edilib.
Modern.az
