ABŞ-ın sabiq dövlət katibi Hillari Klintonun aprelin 12-də növbəti prezident seçkilərində namizədliyini irəli sürəcəyi gözlənilir.
Modern.az xarici KİV-lərə istinadən xəbər verir ki, bu barədə Hillari Klintonun mənsub olduğu Demokrat Partiyası bəyan edib. Xanım siyasətçi namizədliyini aprelin 12-də sosial media vasitəsi ilə elan etməlidir. Bununla bağlı video-müraciət də hazırlanır.
Gələn həftədən etibarən keçmiş dövlət katibinin ştatlarda tanışlıq kampaniyalarına başlayacağı gözlənilir.
Hillari Klinton seçkilərdə qələbə qazanacağı təqdirdə, ABŞ tarixində ilk qadın dövlət başçısı olacaq.
