Artıq diplomlar məzunlara elektron formatda təqdim olunur.
Lakin bəzi universitetlərdə ödəniş qarşılığında diplomların ənənəvi, kağız formada da verilə biləcəyi ilə bağlı iddialar səslənir.
Modern.az xəbər verir ki, Elm və Ali Təhsil üzrə Dövlət Agentliyi AzEdu.az Təhsil Portalının sorğusuna cavab olaraq bildirib ki, diplomların yalnız elektron formatda verilməsi nəzərdə tutulur və ödəniş müqabilində kağız diplomların verilməsi nəzərdə tutulmur.
Həmçinin bu kimi hallar və ya şikayətlər olduğu təqdirdə, vətəndaşlara sübutlar və ərizə ilə birlikdə Elm və Ali Təhsil üzrə Dövlət Agentliyinə müraciət etmələri tövsiyə olunur.
