I Avropa Oyunlarında qızıl medal qazandıqdan sonra idmançılar qələbələri ilə bağlı maraqlı fikirlər söyləyiblər.
Modern.az saytı bir necə idmançının qələbə ilə bağlı sitatlarını təqdim edir:
Bakı İdman Zalında kişilərdən ibarət stolüstü tennis komandası qızıl medalın sahib olduqdan sonra üzvlər Tiaqo Apolonianın, Markos Freiasın və Coao Qeraldonun sitatı:
“Bu, birinci oyundan sonuncu oyunadək əla idi. Bizə dəstək verməyə gəlmiş hər bir şəxsə təşəkkürümü bildirmək istərdim".
***
Mingəçevirdə Kür İdman və Avarçəkmə Mərkəzində avarçəkmə yarışında kişilər arasında 1000 metr məsafəyə kayak-cütlük yarışı üzrə Zoltan Kammerer ilə birlikdə qızıl medal qazanan Tamas Szalaidən sitat:
"Həqiqətən, qalib olmaq əla bir hissdir. Bu, I Avropa Oyunlarıdır və növbəti oyunlarda nə olacağını demək çox çətindir. Ümid edirəm ki, bu, möhtəşəm bir tədbir olacaq".
****
Heydər Əliyev adına İdman Arenasında 48 kq çəkidə qadınlar arasında sərbəst üsulla yarışda qızıl medal qazanan Mariya Stadnik qalıb olduqdan sonra söylədiyi sitat:
"Mən çox xoşbəxtəm. Məşəl estafetində iştirak etdim və oyunların səfiri oldum. Hhazırda qızıl medalla buradayam. Arenada bir çox insanların, o cümlədən prezidentlə ailəsinin nəzərləri mənə yönəlib. Mən göyün yeddinci qatındayam".
***
Mingəçevirdə Kür İdman və Avarçəkmə Mərkəzində avarçəkmə üzrə kişilər arasında 1000m məsafəyə kayak-dördlük yarışı üzrə qızıl medal qazanan macarıstanlı idmançı Daniel Paumandan sitat:
"Oyun çox sakit keçdi. Hava küləkli olsa da, biz buna vərdiş etmişik. Biz idmanda hər cür hava şəraiti ilə üzləşmişik".
Sevinc YASİNQIZI
