Milli Məclisin Regionala məsələlər üzrə komitəsi “Şəhərsalma və Tikinti Məcəlləsində dəyişikliklər edilməsi haqqında” Qanuna dəyişiklik edib. Modern.az xəbər verir ki, Komitənin bu gün keçirilən iclasında Məcəllənin 69.5.2-cı maddəsinə yeni mətn verilib. Komitəsinin sədri Arif Rəhimzadə bildirib ki, əlavə edilən 69.5.2-1 maddəsində isə inşa işləri zamanı ara məsafəsinin müəyyən edilməsinə yeni şərt əlavə olunur. Şərtə görə, Məcəllənin 80-ci maddəsinə əsasən barəsində məlumatlandırma icraatı tətbiq edilən yaşayış evlərinə münasibətdə ara məsafəsi divar hündürlüyünün 0,3 hissəsi qədər olmalıdır.
Layihə parlamentin plenar iclasına tövsiyə edilib.
Gültəkin Ələsgər
