Atletika üzrə 94-cü Azərbaycan çempionatının 2-ci günü rekord və maraqlı nəticələrlə yadda qalıb.
Modern.az xəbər verir ki, uzunluğa tullanma yarışında Nazim Babayev 8 metr nəticə ilə ölkə çempionu olub. Bununla da idmançı Azərbaycan atletika tarixində 8 m həddinə çatan ikinci atlet olub.
Xatırladaq ki, burada rekord 1978-ci ildə 8.03 m göstəricisinə nail olan Vladimir Çepelyova məxsusdur. Kəsgin Abbazsadə 7.83 m nəticə ilə ölkə çempionatında ikinci yeri tutub. Bu göstərici ilə idmançı U 20 və U 23 Azərbaycan rekordununa sahib çıxıb.
Qeyd edək ki, Kəsgin Abbazsadə bu yaş kateqoriyalarında Vladimir Çepelyovun 1975-ci ilə aid 48 illik rekordunu yeniləyib.
