Türkiyə prezidenti Rəcəb Tayyib Ərdoğan oktyabrın 4-də İrana səfər edəcək.
Türkiyənin "Milliyet" qəzeti xəbər verir ki, bunu jurnalistlərə açıqlamasında dövlət başçısının özü bildirib.
Ərdoğan qeyd edib ki, hazırda iki ölkə arasında müsbət münasibətlər mövcuddur: "Oktyabrın 4-də İrana səfər edəcəyəm. Tehranda Türkiyə-İran Strateji Şuranın toplantısına qatılacağam. Məndən əvvəl Türkiyə Silahlı Qüvvələri Baş Qərargahının rəisi Hulusi Akar İrana gedərək, bir sıra görüşlər keçirəcək. Bu bir cavab ziyarəti olacaq".
Onun sözlərinə görə, Tehranda keçirəcəyi görüşlərdə Türkiyə-İran əlaqələrini, bölgədəki vəziyyəti müzakirə edəcəklər: "İraq və Suriya məsələsində terrora qarşı mübarizə tələb olunur. İran prezidenti Həsən Ruhani ilə Qazaxıstan paytaxtı Astanada həm təkbətək, həm də heyətlərarası görüşümüz oldu. İranla Türkiyə arasındakı əlaqələr çox canlanmış vəziyyətdədir”.
