Qirg‘iziston parlamenti prezident saylovlari 2027-yil 27-yanvarda o‘tkazilishini tasdiqladi.
Modern.az xabar berishicha, bu haqda mamlakat parlamenti matbuot xizmati ma’lum qildi.
“Bugun, 24-sentabr kuni parlament yig‘ilishida deputatlar Qirg‘iziston Respublikasida prezident saylovlarini tayinlash to‘g‘risidagi qaror loyihasini ko‘rib chiqdilar va qabul qildilar”, – deyiladi xabarda.
Qaror loyihasi haqida ma’lumotni parlamentning Konstitutsiyaviy qonunchilik, davlat qurilishi, mahalliy o‘zini o‘zi boshqarish va reglament qo‘mitasi raisi Gulnora Akimbayeva taqdim etgani qayd etildi.
“Qirg‘iziston Respublikasida navbatdagi prezident saylovlari amaldagi prezidentning vakolat muddati tugaydigan yilda yanvar oyining to‘rtinchi chorshanba kuni o‘tkaziladi. Navbatdagi saylovlar 2027-yil 27-yanvarda bo‘lib o‘tadi”, – deyiladi parlament matbuot xizmati xabarida.
