Axşam saatlarından əsməyə başlayan güclü külək Biləsuvar rayonunda fəsadlar törədib. Modern.az "Report"a istinadən xəbər verir ki, elektrik naqillərinin qırılması nəticəsində Ağalıkənd, Amankənd, Dövrüşlü və Ovçubərə də daxil olmaqla 6 kəndə enerji verilişi tam dayanıb, bəzi ərazilərə isə fasilələrlə verilib.
Bildirilir ki, fəsadların aradan qaldırılmasından sonra bu dəqiqələrdə həmin ərazilərə enerji verilişi bərpa olunub.
Hazırda rayonda küləkli hava şəraiti davam edir.
