Gürcüstanın paytaxtı Tbilisini Azərbaycan sərhədi ilə birləşdirəcək yolun ikinci və sonuncu hissəsinin tikintisinə başlanılıb. Modern.az xəbər verir ki, bununla bağlı Gürcüstan Bələdiyyələrinin İnkişaf Fondu məlumat yayıb.
"Tbilisi - Rustavi yolu Azərbaycanla sərhədə qədər uzanacaq və onun modernləşdirilməsi nəqliyyat baxımından çox vacibdir. İşlər yekunlaşdıqdan sonra əhali bu yolla rahat və təhlükəsiz hərəkət edə biləcək", - deyə məlumatda bildirilir.
Layihə Asiya İnkişaf Bankı tərəfindən maliyyələşdirilir. Yolun birinci və üçüncü hissəsinin tikintisi 2014-cü ildə başlamış və 2016-cı ilin mayında başa çatmışdı.
Uzunluğu 17,4 kilometr olan yolun tikintisi üçün 119 milyon lari (təxminən 46,2 milyon dollar) maliyyə ayrılıb.
