Cənubi Koreyanın Ali Məhkəməsi avqustun 24-də ölkənin sabiq prezidenti Pak Kın Henin həbs cəzasının müddətini 24 ildən 25 ilə qədər, cərimənin miqdarını isə 16 milyon dollardan 18 milyon dollaradək artırıb.
Modern.az “Interfax” agentliyinə istinadla xəbər verir ki, prokurorluq məhkəmədən sabiq prezidentə 30 il həbs cəzası verilməsini və cərimənin miqdarının 105 milyon dollara qədər artırılmasını tələb edirdi.
Xatırladaq ki, korrupsiyada, səlahiyyətlərindən sui-istifadə etməkdə və dövlət sirrini yaymaqda ittiham olunan Pak Kın He aprel ayında məhkəmə tərəfindən 24 il müddətinə azadlıqdan məhrum edilmişdi.
