Amerika Birləşmiş Ştatlarının (ABŞ) Ankaradakı səfirliyinin binasının atəşə tutulması ilə bağlı təhqiqat çərçivəsində daha 2 nəfər həbs edilib.
Modern.az "Hürriyyet" qəzetinə istinadən xəbər verir ki, həmin hadisə ilə bağlı saxlanılanların sayı 4 nəfərə çatıb. .
Bildirilir ki, şübhəlilər polis tərəfindən sorğu-sual edilir.
Qeyd edək ki, hadisə bazar ertəsi günü, yerli vaxtla səhər saat 5:30-da baş verib. Atatürk bulvarına ağ rəngli avtomobillə gələn naməlum şəxslər ABŞ səfirliyinə 6 dəfə atəş açıblar. Hadisə zamanı heç kim xəsarət almayıb.
