Əfqanıstanın qərbindəki Qor əyalətində terror aktı törədilib.
Modern.az-ın məlumatına görə, bu barədə "Anadolu" agentliyi məlumat yayıb.
Qeyd edilir ki, terror aktı nəticəsində altı dinc sakin həlak olub. Əfqanıstanın Daxili İşlər Nazirliyinin mətbuat katibi Tarık Aren jurnalistlərə bildirib ki, partlayıcı qurğu Pallal rayonunda nəqliyyat vasitələrinin hərəkət etdiyi yol kənarında qoyulub.
Aren terror aktının törədilməsinə görə "Taliban" hərəkatını ittiham edib.
Hadisəyə görə məsuliyyəti hələ heç bir qruplaşma üzərinə götürməyib.
