İctimai Televiziyanın sabiq baş direktoru, Əməkdar incəsənət xadimi, kinorejissor Cəmil Quliyev koronavirusa yoluxub.
Bu barədə Modern.az-a Cəmil Quliyev özü məlumat verib.
Hazırda ev şəraitində müalicə aldığını deyən C.Quliyev özünü nisbətən yaxşı hiss etdiyini deyib:
"Müalicəmi alıram, tibb bacısı da yaxın qohumumdur, lazımi sistemləri köçürür. Bir dərman vardı o tapılmırdı, çətinliklə də olsa tapdıq. Onu qəbul edəndən sonra çox yaxşıyam. Həkimlər də lazımi müalicə təyin ediblər. Şükür yaxşılaşıram".
İncəsənət xadimi COVID-19-a işdə yoluxduğunu bildirib:
"Özüm bütün gigiyenik qaydalara riayət edirəm, maska taxıram. Amma Fiım Fonduna gedib-gələnlər, qonaqlar, çəkilişlər çox olur. Əməkdaşlarımızdan da xəstələnənlər vardı. Bu elə bir şeydir ki, nə qədər qorunsan da səndən yan keçmir.
Artıq bir həftədir xəstəyəm. Kompüter tomoqrafiyasında ağciyərimin 3 faizində buzlu şüşə aşkarlandı. Bu özü nə demək olduğu aydındır.
Maraqlananlara, narahat olanlara deyin ki, yaxşıyam. Hər şey yaxşıdır, nigaran qalmasınlar".
