Avstraliya hökuməti Hindistanın “Covaxin” və Çinin istehsal etdiyi “BBIBP-CorV” peyvəndlərinin ölkədə istifadəsinə icazə verib.
Modern.az xarici KİV-ə istinadən bildirir ki, sözügedən peyvəndlərin virusa qarşı qorunma təmin etdiyi açıqlanıb.
Avstraliya sərhədləri açılanda bu peyvəndləri qəbul edən şəxslər də ölkəyə daxil ola biləcəklər.
“AstraZeneca”, “Pfizer-BioNTech” və “Moderna” peyvəndlərinin istifadə olunduğu Avstraliyada 16 yaşdan yuxarı şəxslərin 77,5 faizi iki doza, 88,3 faiz isə tək doza qəbul edib.
