Böyük Britaniyanın Sotebi hərrac evində dünyanın ən böyük qara almazı hərraca çıxarılıb.
Modern.az xəbər verir ki, Londonda sərgilənən “Enigma” adlı 555,55 karatlıq qara almaz fevralın 3-9-da onlayn satışda olacaq.
İçərisində qiymətli daşlar olan asteroidin 2,6-3,8 milyard il əvvəl yerə düşməsi nəticəsində əmələ gəldiyi bildirilən qara almaz fevralın 10-da yeni sahibini tapacaq.
Qeyd edək ki, 1990-cı illərdə hazırkı sahibi tərəfindən satın alınarkən xam halında çəkisi 800 karat olan “Enigma” 3 illik emaldan sonra yeni forma alıb. Xurma şəklində kəsilmiş “Enigma”nın təxminən 3-5 milyon funt sterlinqə alıcı tapacağı gözlənilir.
