Finlandiya dərhal NATO-ya üzv olmaq üçün müraciət etməlidir.
Modern.az xarici KİV-ə istinadən xəbər verir ki, bunu ölkə Prezidenti Sauli Niinistö və Baş nazir Sanna Marin birgə bəyanatda bildiriblər.
“Finlandiya NATO-ya üzv olmaq üçün dərhal müraciət etməlidir. Ümid edirik ki, bu qərara çatmaq üçün hələ də lazım olan milli addımlar yaxın bir neçə gün ərzində sürətlə atılacaq”, - bəyanatda deyilir.
Bəyanatda o da qeyd edilir ki, NATO-ya üzvlük Finlandiyanın təhlükəsizliyini gücləndirəcək, eyni zamanda alyansın üzvü olmaqla Finlandiya da onu gücləndirəcək.
