Suriyada demokratik dövlət yaradılması tərəfdarı olan bir qrup suriyalı siyasi fəal yeni müxalifət koalisiyası yaradıb. Modern.az bildirir ki, yeni yaradılmış “Suriya Demokratları İttifaqı” adlı qrupun üzvləri sırasında insan hüquqları müdafiəçisi, xristian yazıçı Mişel Kilo da var.
Suriya Demokratları Koalisiyasının hədəfi Suriya “Müsəlman Qardaşları”nın ölkənin əsas müxalifət bloku hesab olunan Milli Koalisiya daxilində təsirini azaltmaqdır.“Müxtəlif siyasi cərəyanlara məxsus bu insanları demokratiya prinsipləri birləşdirir.”-deyə 250 nəfərlik İttifaqın üzvlərindən Kamal Ləbvani bildirib.
Ləbvani açıq şəkildə “Müsəlman Qardaşları”nın təsirini azaltmaq istədikləri niyyətində olduqlarını deməyib və ölkədə vətəndaş cəmiyyəti yaratmağa diqqət yetirəcəklərini bildirib.
Suriya “Müsəlman Qardaşları” Təşkilatı Əsəd rejimi ilə mübarizədə ən mütəşəkkil müxalifət qrupudur.
Peykər İbrahimova
