Modern.az APA-ya istinadən xəbər verir ki, S. Lavrov görüşdə ikitərəfli münasibətlərin hazırkı səviyyəsi və iki ölkənin birgə planlaşdırdığı tədbirlərin müzakirə olunacağını bildirib: “Qeyd edim ki, iki ölkənin müxtəlif regional və beynəlxalq təşkilatlar səviyyəsində əməkdaşlığı yüksək səviyyədədir”.
Elmar Məmmədyarov isə S. Lavrovun Azərbaycana Rusiya-Azərbaycan diplomatik münasibətlərinin 20 illiyinə həsr olunan səfərini xatırladıb: “Ümid edirəm ki, konstruktiv müzakirələr olacaq. Qeyd etmək istərdim ki, Rusiya-Azərbaycan münasibətləri strateji səviyyədədir”.
Nazirlər “Eurovision-2013” mahnı müsabiqəsinin finalında Azərbaycanın necə səs verməsi ilə bağlı yaranmış qalmaqala da toxunublar.
Görüş daha sonra mətbuat nümayəndələrinin iştirakı olmadan davam etdirilib.
Görüşdən sonra brifinq keçiriləcək.
Modern.az
