Azərbaycan-Ermənistan sərhədində delimitasiya və demarkasiya prosesi üzrə işlər davam etdirilir.
Modern.az xəbər verir ki, bunu Azərbaycanın xarici işlər naziri Ceyhun Bayramov jurnalistlərə açıqlamasında deyib.
Nazir bildirib ki, delimitasiya və demarkasiya prosesi uzunmüddətli və texniki xarakter daşıdığı üçün qısa müddətdə yekunlaşması mümkün deyil.
O qeyd edib ki, Baş nazirin müavini Şahin Mustafayevin rəhbərlik etdiyi Azərbaycan nümayəndə heyətinin aprelin 29-da Ermənistana səfəri zamanı növbəti mərhələləri müəyyən edən üç sənəd razılaşdırılıb.
C.Bayramov əlavə edib ki, proses davam edir və qarşıdakı aylarda da bu istiqamətdə işlərin şahidi olunacaq.
