31 Dekabr 2020, 22:46 | Ana Səhifə - Yazılar - Bu zəfər oğul, ata, qardaş həsrətli ailələrin hesabınadır
Bu zəfər oğul, ata, qardaş həsrətli ailələrin hesabınadır

Elçin Alıoğlu

İlin son günüdür. Evdə işıq sönüb. Yox, elektrik işığını demirəm. İşıq, bütün ümidlər, evin ötəni və gələcəyi, onların qəlbi.

Oğul.

Ata.

Qardaş.

Eynən belədir. İşıq sönüb. Həyatsa davam edir. Çünki evdə olanlar yaşayırlar.

Amma əvvəlki təki həyatları olacaqmı?

Küçədə isə həyat davam edir. İnsanlar harasa tələsir, deyir, danışır, yürüyür. Hər kəs nə isə arayır, nəyə isə can atır.

İndi, axşam saatlarında, hansısa mənzildə, hansısa kənddəki evdə Ana oğlunun otağında oturub. Otaq soyuqdur. Gör, nə zamandı qızdırılmır, isinmir. O, əri ilə yaşayır. Tək qalıb, oğulsuz. Oğlu şəhid olub.

Ana oturub oğlunun otağında. Ərindən oğrun, gizlin. Ağlayır. Göz yaşları sözə baxmaz ki. Əri hirslənir o ağlayanda. Gözüyaşlı, qəhərli hirslənir, "Ağlama, bəsdi!" deyir - sınıq səslə.

Ana soyuq otaqdadır. Əlində oğlunun yayda aldığı, fürsət tarpıb geyinmədiyi köynəyini tutub. Balasının iyini alır o köynəkdən.

Ana o köynəyi elə həsrətlə qoxlayır ki. Elə ki, balasının ətrini doyunca sinəsinə çəksin.

Elə ki, bilmədən o ətrin hamısını sinəyə doldurmasın - sabaha, o biri günə, həmişə qalsın o ətir.

Gələn dəfələrə də qalsın.

Ata siqaret çəkir. Tüstü sinəsində qalıb. Dərd kimi. Oğlunun telefonu əlində. Sığallayır o telefonu, sanki indi zəng çalacaq, oğlunun səsi gələcəkmiş kimi.

Amma telefon öz sahibinə zəng etməz ki. Sahib yoxdursa illah.

Oğulsa xəbərsiz bütün bunlardan. Savaşa yollananda, Vətən torpağını vücudu ilə örtəndə yalnız qisası düşünürdü.

Qisas, savaş onun üçün ata, ana idi. Vətən idi.

Vətən qəbul etdi onu, bağrına basdı övladını.

Vətən müharibəsi hər şəhid ailəsində kiçik savaş təki bitdi.

... Nənə bu axşam bayram təbriklərini eşitmir, görmür. Kimsəni də təbrik etmir.

Yeni illə bağlı nə ümidi olasıdır ki. Saat 12-ni də gözləməyəcək, yatacaq. Heç nə gözləmir, heç ümidi yox.

Ümidi masanın üstündən, küncü qara lentli fotodan baxır ona indi.

... Gənc qız bu axşam ailə masasının arxasından tez duracaq. Çox tez. "Başım ağrıır, yuxum gəlir, yatmaq istəyirəm" deyəcək anasının nigaran, atasının səbrli baxışlarına.

Keçəcək otağına. Oktyabrın əvvəlindən xəbərini gözlədiyi sevgilisi ilə ilin əvvəlində çəkdirdiyi fotosuna baxacaq oğrun-oğrun.

Ağlayacaq, hıçqıracaq və onun səsini yenidən, bircə an olsa belə, eşitmək üçün Yaradana yalvaracaq.

Zəfər ili oldu Vətənə.

Bu zəfər, Qələbə oğul, ata, qardaş həsrətli ailələrin hesabınadır.

Ölüb də ölməyənçün ölüm cana minnətdir,

Ey Həqq üçün can verən, ölümün nə nemətdir...

Ol səbəbdən ağlama şəhid bacısı, şəhid anası, şəhid xanımı.

Yağış damlar şəhidimin cənnətinə.

Hər birinizin əlindən öpürəm.

Çün bu əl Vətən əlidir…

Vətən yaxşıdır…

MÜƏLLİFİN DİGƏR YAZILARI
İki begemot koronavirusa yoluxdu 3 Dekabr 2021, 22:37 Aİ-dən Ukraynaya daha 1,4 milyon avro yardım 3 Dekabr 2021, 22:14 İraqdan “Bayraktar TB2” üçün 100 milyon dollar 3 Dekabr 2021, 22:01 Gürcüstanda azərbaycanlıların kəndində silahlı insident 3 Dekabr 2021, 21:51 BƏƏ Fransadan qırıcı və helikopter alır 3 Dekabr 2021, 21:28 “Qaraheybət” şəhidlərinin ailələrinə bu ödənişlər veriləcək 3 Dekabr 2021, 21:16 Yasamalda binada yanğın - Ölən var 3 Dekabr 2021, 20:52 Azərbaycanda vaksinə xərclənən vəsait 500 MİLYONA ÇATIR 3 Dekabr 2021, 20:37 Heydər Əliyev Fondu ilə UNICEF arasında  memorandum 3 Dekabr 2021, 20:32 Ərdoğan və Putin Soçi görüşünü müzakirə etdi - YENİLƏNİB 3 Dekabr 2021, 20:21 Göyçayın baş həkimi işdən ÇIXARILDI 3 Dekabr 2021, 20:09 Nazirliyin təklifilə bağlı qərar 3 Dekabr 2021, 19:59 Türkiyə ordusu şəhid VERDİ 3 Dekabr 2021, 19:31 Merkel bu tarixdə siyasətdən GEDİR 3 Dekabr 2021, 19:17 "Omicron" aşkarlanan ölkələrin SAYI 3 Dekabr 2021, 19:09 Bakıda 18 yaşlı qızı intihara məcbur edən şəxs HƏBS EDİLDİ 3 Dekabr 2021, 19:00 Türkiyə və Azərbaycan pilotları təlimdə - VİDEO 3 Dekabr 2021, 18:52 Son sutkanın vaksin STATİSTİKASI   3 Dekabr 2021, 18:45 Yoluxma sayı açıqlandı: 24 ölüm baş verdi 3 Dekabr 2021, 18:38 Vilayət Eyvazov əməkdaşlarına TƏLƏB QOYDU 3 Dekabr 2021, 18:30 Xəzərdə cəsəd qalıqları tapıldı 3 Dekabr 2021, 18:22 125 yaşlı Sona nənə dünyasını DƏYİŞDİ 3 Dekabr 2021, 18:15 Məşhur Xalq artisti vəfat etdi 3 Dekabr 2021, 18:08 BMU-dan əlil sahibkarlara dəstək 3 Dekabr 2021, 18:00 Oxçuçayla bağlı tədqiqat qrupu yaradılır 3 Dekabr 2021, 17:55 "Omicron" Braziliyada da AŞKARLANDI 3 Dekabr 2021, 17:50 Qazaxıstan Atom Elektrik Stansiyası tikəcək - Nazarbayev 3 Dekabr 2021, 17:45 Azərbaycanlı şərqşünasın Mehriban Əliyeva haqqında məqaləsi ərəb KİV-lərində gündəm olub 3 Dekabr 2021, 17:40 Nazir ATƏT-in baş katibi ilə üçtərəfli bəyanatları müzakirə etdi 3 Dekabr 2021, 17:34 Jurnalistlər “Azəriqaz”da - FOTO 3 Dekabr 2021, 17:30 Dollar yeni həftəyə belə başlayacaq 3 Dekabr 2021, 17:25 Marallarda koronavirus aşkarlandı 3 Dekabr 2021, 17:20 "YAŞAT"a daxil olan vəsait MƏBLƏĞİ 3 Dekabr 2021, 17:15 Qarabağa gedən yollarda niyə postlar qurulub? - DİN AÇIQLADI 3 Dekabr 2021, 17:10 ADU-də “Bir günlük xəlifə”lər seçilib 3 Dekabr 2021, 17:06
SORĞU Kommunal xərciniz ən çox hansı xidmətə gedir?