Ukraynada döyüşçülərin və hərbi əməliyyatlar nəticəsində əlilliyi yaranan şəxslərin hazırlanmasına yönəlmiş eksperimental layihəyə start verilib.
Modern.az Ukrayna mətbuatına istinadən xəbər verir ki, bu barədə ölkənin Dövlət Məşğulluq Xidməti məlumat yayıb.
Layihə çərçivəsində iştirakçılara təhsil səviyyəsindən asılı olmayaraq cari işçi peşələri üzrə təlimlər keçiriləcək. Təlim 95 müxtəlif peşə və 365 təkmil təlim proqramı üzrə mövcuddur.
Tədris həm gündüz (axşam), həm distant, həm də ikili təhsil formatında aparıla bilər. Təlimin müddəti 6 aya qədərdir. Proqram başa çatdıqdan sonra iştirakçılar müvafiq ixtisasları təsdiq edən dövlət sənədi alacaqlar.
