Avropa Komissiyasının sədri Ursula fon der Lyayen Avropa İttifaqının dondurulmuş Rusiya aktivlərindən əldə olunan vəsait hesabına Ukraynaya növbəti maliyyə yardımını ayırdığını açıqlayıb.
Modern.az xəbər verir ki, o, bu barədə X sosial şəbəkəsində paylaşım edib.
"Biz Ukraynaya bu aktivlərdən daha 1,4 milyard avro ayırırıq", – deyə fon der Lyayen bildirib.
O, Rusiyanın Ukraynaya qarşı son hücumlarına da toxunaraq, Moskvanın vurduğu ziyana görə cavab verməli olduğunu vurğulayıb.
Avropa Komissiyasının avqustun 5-də yaydığı məlumatda bildirilib ki, ayrılan 1,4 milyard avro dondurulmuş Rusiya aktivlərindən əldə edilən gəlirlər hesabına maliyyələşdiriləcək.
