Ukrayna Hərbi Dəniz Qüvvələri Krımdakı Rusiyanın sahilyanı raket kompleksinin buraxılış mövqeləri və dislokasiya məntəqəsinə zərbə endirdiyini açıqlayıb.
Modern.az xəbər verir ki, avqustun 16-na keçən gecə Ukrayna Silahlı Qüvvələrinin Hərbi Dəniz Qüvvələrinə məxsus bölmələr Krımda Rusiyanın “Bastion” sahilyanı raket komplekslərinin yerləşdiyi əraziyə və buraxılış mövqelərinə zərbələr endirib.
Hücum nəticəsində Rusiya tərəfi silah və şəxsi heyət baxımından ciddi itkilər verib.
Qeyd edək ki, “Bastion” komplekslərindən “Oniks” və “Sirkon” raketlərinin buraxılması üçün istifadə olunur.
