Modern.az

Polşa döyüş hazırlığı vəziyyətinə keçib

Polşa döyüş hazırlığı vəziyyətinə keçib

Dünya

Bu gün, 19:38

Polşada yerləşdirilən “Patriot” zenit-raket kompleksləri döyüş hazırlığı vəziyyətinə gətirilib.

Modern.az xəbər verir ki, bunu Polşanın müdafiə naziri Vladislav Kosinyak-Kamış açıqlayıb.

Nazirin sözlərinə görə, buna səbəb Rusiyanın noyabrın 19-dan 20-nə keçən gecə Ukraynaya genişmiqyaslı raket və pilotsuz uçuş aparatları (PUA) ilə hücum etməsidir.

Hücum zamanı Kiyev, Lvov və Ukraynanın digər bölgələri hədəfə alınıb. Rusiya qüvvələri qanadlı və ballistik raketlərdən, eləcə də yüzlərlə drondan istifadə edib.

Kosinyak-Kamış bildirib ki, hücum zamanı iki Rusiya raketi və ehtimalən bir reaktiv mühərrikli dron Polşanın hava məkanını pozaraq ölkə ərazisinə düşüb. Onlardan birinin X-101 qanadlı raketi olduğu müəyyənləşdirilib.

Yaranmış vəziyyətlə əlaqədar Jeşuv və Şvidnik ətrafında yerləşən “Patriot” sistemləri, həmçinin digər hava hücumundan müdafiə vasitələri aktivləşdirilib.

Nazirin sözlərinə görə, hadisə nəticəsində Polşada xəsarət alan olmayıb və kritik infrastruktura ziyan dəyməsi barədə məlumat daxil olmayıb.

Telegram
Hadisələri anında izləyin!
Keçid et
TƏCİLİ! İrandan müharibə ANONSU: Dəhşətli hücum başlayır?