Rusiya ərazisinə raket hücumu nəticəsində 6 nəfər ölüb, 4 nəfər yaralanıb.
Modern.az xəbər verir ki, hadisə Belqorod vilayətinin Koloskovo kəndində baş verib.
Bu barədə vilayətin qubernatoru vəzifəsini icra edən Aleksandr Şuvayev məlumat verib. Onun sözlərinə görə, raket zərbəsi nəticəsində 6 nəfər həyatını itirib, daha 4 nəfər yaralanıb.
Yaralananlar arasında 14 yaşlı uşağın da olduğu bildirilib.
Hadisənin digər detalları və hücumun kim tərəfindən həyata keçirildiyi barədə əlavə məlumat açıqlanmayıb.
